Sender vu Jonglënster
Vu Wikipedia, der fräier Enzyklopedie.
De Sender vu Jonglënster ass eng Anlag, déi 1932 vu Radio Lëtzebuerg opgeriicht gouf.
D'Maste vun der Anlag an d'Leeschtung goufen am Laf vun de Joren e puer Mol verännert, an haut ass se nach haaptsächlech do, fir am Fall vun enger Noutsitiuatioun bei aneren Anlage vun RTL als Ersatz anzesprangen.
D'Masten, déi een haut gesäit, hunn eng Héicht vun 215 Meter a si sti bausst Jonglënster laanscht d'Iechternacherstrooss (Nationalstrooss N° 11) op enger Héicht vun 356 m NN op der Kopp déi Bichel heescht.
D'geographesch Koordinate sinn: 49°43' Nord / 6° 16' Ost.
[Änneren] Technesch Detailer
- 1 Sender vun 234 kHz - 1200 kW (Als Hëllef fir de Sender vu Beidler)
- 1 Sender vu 6090 kHz - 500 kW (inaktiv)
- 1 Sender vu 15350 kHz - 10 kW (inaktiv)
| Joer | Laangwell | Mëttelwell | Kuerzwell | UKW | Verännerungen |
|---|---|---|---|---|---|
| 1932 | 150 kW | - | - | - | Bau vun der Anlag an éischt LW-Sendungen mat engem CHIREIX Sender |
| 1939 | - | - | 6 kW | - | Éischt Kuerzwelle-Sendungen |
| 1951 | 250 kW | - | - | - | De Laangwelle-Sender gëtt verstäerkt |
| 1952 | - | 150 kW | - | - | Éischt Mëttelwelle-Sendungen |
| 1953 | - | - | 50 kW | - | En zweete Kuerzwelle-Sender kënnt bäi |
| 1954 | 500 kW | - | - | - | Installatioun vun engem zweete Laangwelle-Sender |
| 1954 | - | - | - | - | Déi zwéin éischt Gittermaste ginn opgeriicht (Héicht 250 m) |
| 1955 | - | 0 | - | - | D' Mëttelwell gëtt op Maarnech verluecht |
| 1959 | - | - | - | 12 kW | Een UKW-Sender fir 92.5 MHz gëtt a Betrib geholl |
| 1959 | - | - | - | - | Den drëtte Gittermast gëtt gebaut |
| 1960 | 750 kW | - | - | - | Deen drëtte Laangwelle-Sender geet a Betrib |
| 1964 | 1000 kW | - | - | - | Den éischte Laangwelle-Sender vu 1932 gëtt duerch en neie vun 600 kW ersaat |
| 1970 | - | - | 250 kW | - | Installatioun vun engem TELEFUNKEN-Kuerzwellesender. Déi zwéi vu 6 an 50 kW ginn afgeschalt awer a Reserve gehalen |
| 1971 | - | - | 500 | - | Installatioun vun engem zweeten TELEFUNKEN-Sender |
| 1971 | - | - | - | 0 | Den UKW gëtt op Housen verluegt |
| 1973 | - | - | 500 + 50 | - | Den ale 50 kW Kuerzwellesender (deen 1970 afgeschalt gouf) gëtt erëm mat 15.350 kHz a Betrib geholl |
| 1976 | - | - | 500 + 10 | - | De 50 kW Sender gëtt nees afgeschalt (bleiwt an der Reserve) a gëtt duerch een neien 10 kW ersat |
| 1983 | - | - | - | - | Déi dräi Gittermaste gi vun 250 m bis op 215 m gekäppt |
| 1987 | 1200 kw | - | - | - | Den zweete Laangwelle-Sender (vun 1954) gëtt afgerappt an duerch e neien 600 kW THOMSON-Sender ersat. |
