Wikimedia
Vu Wikipedia, der fräier Enzyklopedie.
D'Wikimedia Foundation Inc. ass d'Organisatioun déi sech ëm Wikipedia, Wiktionary, Wikiquote, Wikibooks, In Memoriam 9/11 an Nupedia këmmert. Wikimedia ass eng Association sans but lucratif déi ënnert d'Gesetz vum Bundesstaat Florida, USA fält. D'offiziell Existenz vun der Fondatioun gouf den 20. Juni 2003 vum Jimbo Wales bekannt gin, de Cofondateur vu Wikipedia.
[Änneren] Zieler vun der Fondatioun
D'Fondatioun huet als Ziel fir d'Gebuert an de Wuesstum vu Projeten ze ennerstetzen, déi fräit Wëssen nom WikiWiki Prinzip vermëttelen. Ausser der aktueller Enzyklopädie Wikipedia existéiert och een Dictionnaire- an Thesaurus-Projet (Wiktionary), eng Enzyklopädie mat Zitater (Wikiquote), an eng Lëscht vu Bicher déi sech haaptsächlech u Studente riicht (Wikibooks), haaptsächlech mat Wierker aus dem Domaine public.
D'Fondatioun geréiert och en Ensemble vun Artikelen a Gedenken un den 11. September. Schlussendlech geréiert d'Fondatioun och den Nupedia-Projet (wat keng Wiki ass, mee wou de Contenu trotzdem fräi ass). Am Moment ass dëse Projet allerdéngs e bessen op Äis geluecht.
D'Matarbechter vu Wikipedia a vun deenen anere Projeten hoffen, datt duerch eng Fondatioun sans but lucratif an duerch noutwännesch Spenden de Projet um Liewe ka gehaal gin.
Beim Bekanntgin vun der Grënnung vun der Fondatioun huet den Jimbo Wales och all Copyright, all Domain Numm un d'Fondatioun iwwerschriwwen. D'informatesch Infrastruktur gouf och vum Här Wales zur Verfügung gestallt.
[Änneren] De Conseil d'Administratioun
Am Januar 2004 huet den Jimbo Wales den Tim Shell an de Michael Davis als Membere vum Conseil d'Administration nominéiert. Am Juni goufen et Wahlen fir zwee weider Memberen. Et goufen d'Angela Beesley an d'Florence Devouard gewielt, als Representanten vun alle Matarbechter un de Wikimedia Projeten.
Et gouf schonn eng jett Diskussiounen iwwert d'Responsabilitéiten vum Conseil d'Administration an si hunn e Cahier de charges opgestallt. Gouvernance Methoden no engem egalitäre Prinzip ginn envisagéiert.
