Kabinet-Balkenende I
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
't Kabinet-Balkenende I waor e Nederlands Kabinet wat regeerde vaan 22 juli 2002 tot 27 mei 2003. Vaanaof 16 oktober 2002, d'n daag boe-op 't veel, waor 't kabinet demissionair. 't Kabinet berösde op 'n coalitie vaan CDA, LPF en VVD, die 93 zetele had. 't Kabinet stoont bekind es oongewoen instabiel en waor sins 't Kabinet-Colijn V 't korts regerend kabinet vaan Nederland.
Inhawd |
[bewirk] Ministers
- Jan Peter Balkenende (CDA), Algemein Zake, premier
- Jaap de Hoop Scheffer (CDA), Boetelandse Zake
- Piet Hein Donner (CDA), Zjusties
- Hilbrand Nawijn (LPF), Vreemdelingezake en Integratie
- Johan Remkes (VVD), Binnelandse Zake en Keuninkrieksrelaties, vice-premier
- Maria van der Hoeven (CDA), Oonderwies, Cultuur en Weitesjap(pe)
- Hans Hoogervorst (VVD), Financië
- Benk Korthals (VVD), Defensie, op 21 december 2002 opgevolg door Henk Kamp (VVD)
- Henk Kamp (VVD), Volkshoesvesting, Ruumdelike Ordening en Miljeu
- Roelf de Boer (LPF), Verkier en Waterstaot, nao 16 oktober ouch vice-premier
- Herman Heinsbroek (LPF), Ikkenomische Zake, op 16 oktober 2002 aofgetrejje en opgevolg door Hans Hoogervorst (VVD)
- Cees Veerman (CDA), Landbouw, Natuurbehier en Vèsserij
- Aart Jan de Geus (CDA), Sociaol Zake en Werkgelegeheid
- Eduard Bomhoff (LPF), Volkgezoondheid, Welzien en Sport en vice-premier, op 16 oktober 2002 aofgetrejje en in de kwaliteit vaan minister opgevolg door Aart Jan de Geus (CDA)
[bewirk] Staotssecretaire
- Atzo Nicolaï (VVD), Europees Zake
- Agnes van Ardenne (CDA), Oontwikkelingssamewèrking
- Rolf Hessing (LPF), Binnelandse Zake en Keuninkrieksrelaties
- Cees van Leeuwen (LPF), Cultuur en Media
- Annette Nijs (VVD), MBA
- Steven van Eijck (LPF), Financië
- Cees van der Knaap (CDA), Defensie
- Pieter van Geel (CDA), Volkshoesvesting, Ruumdelike Ordening en Miljeu
- Melanie Schultz van Haegen (VVD), Verkier en Waterstaot
- Joop Wijn (CDA), Ikkenomische Zake
- Jan Odink (LPF), Landbouw, Natuurbehier en Vèsserij
- Mark Rutte (VVD), Pensioen en Arbeidsmèrret
- Philomena Bijlhout (LPF), Emancipatie en Femiliezake, op 24 juli 2002 aofgetrejje en opgevolg door Khee Liang Phoa (LPF)
- Clémence Ross-Van Dorp (CDA), Volksgezoondheid, Welzien en Sport.
[bewirk] Formatie
Nao de verkezinge vaan 15 mei, boebij 2002 de PvdA en D'66 gehalveerd waore en de VVD ouch sterk verlaore had meh de LPF es groete nuikoumer 26 zetele wón, laog 'n rechse coalitie mèt CDA en VVD veur de haand. Twie daog nao de verkezinge beneumde keuningin Beatrix Piet Hein Donner tot formateur. Nao aonvenkeliken oonwèl vaan de verlezer de VVD, lökden 't in 67 daog e kabinet inein te zètte. 't Beleid waor oetgesproke conservatief: deregulering, strenger eise veur immigrante, aonlègke vaan weeg veur files te bestrije. De ministers veur miljeu en oontwikkelingssamewèrking verdwene, en 't departemint vaan zjusties kraog eine minister extra: veur Vreemdelingebeleid en Integratie.
[bewirk] Regering en val
De coalitie waor vaanaof 't begin zwak doortot binne de nui partij de LPF groete tegestèllinge en spanninge waore. Al na ach oor mós staotssecretairse Philomena Bijlhout opstappe umtot ze in de jaore tacheteg in Suriname aon de zij vaan Desi Bouterse had mètgestreje. Väöl vaan de LPF-politici hadde weineg of gein pólletieke ervaoring en dege dinger die me vaan ministers neet verwachde. Zoe dege Hilbrand Nawijn en Herman Heinsbroek dèks oetspraoke euver de sameleving die boete hun werkterrein laoge en/of in tegespraok waore mèt 't officieel regeringsbeleid. De oetindelik groetste klap waor de ruizing tösse de ministers Heinsbroek en Eduard Bomhoff; dit leide op 16 oktober tot de val vaan 't kabinet. VVD-minister Benk Korthals mós in decimber nog aoftrejje, door oonthullinge euver fraud in de bouwwereld.
't Beleid vaan 't Kabinet-Balkenende I is gooddeils veurgezat in 't kabinet-Balkenende II, woerin de meiste vaan de CDA- en VVD-bewindslui trökkaome.
