Kapelle
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Kapelle is e groet dörp en 'n gemeinte in de Nederlandse provincie Zieland. 't Oppervlak vaan de gemeinte bedräög 49,73 km2; 't aontal inwoeners bedräög per 1 januari 2006 11.759 (boevaan 6637 in de kèrn Kapelle). Neve de hoofplaots heet de gemeinte nog de kèrne Biezelinge, Schore en Wemeldinge, en de naobersjap Eversdijk. De gemeinte grens zoewel aon de Oostersjelde es aon de Westersjelde.
[bewirk] Dörpsfuncties
't Dörp heet e klein aontal functies, oonder mie op sportgebeed, die vaan eineg belang veur de gemeinte zien. Oondanks tot me ziech veur groeter deenste op Goes kint riechte is de kèrn nog redelik zelfverzörgend. Op 't industrieterrein weurt oonder mie greunte oet de ganse regio verhandeld. In de kèrn Biezelinge steit e conservefebrik. Bei industrieë drieve op de tuinbouw, dee in dees gemeinte väölvöldeg bedreve weurt.
[bewirk] Dörpsgeziech
't Dörp Kapelle weurt gedómmeneerd door de groete veertiende-iewse kèrktorie bij de Gotische dörpskerk. 't Ajdste deil vaan 't koer dateert vaan roond 1300, 't middesjip en 't noordkoer zien vieftiende-iews. Kapelle is bekaans aoneingegreujd mèt Biezelinge; de sjeiing weurt gemaak door de spoerlien. Kort boete 't dörp is 'n militair begraofplaots veur de Franse soldaote die bij d'n Duitsen inval in d'n Twiede Wereldoorlog in Zieland gestorve zien.
[bewirk] Gebore in Kapelle (dörp)
- Annie M.G. Schmidt, Nederlandse sjriefster
| Provincie Zieland | |
|---|---|
|
Borsele | Goes | Hulst | Kapelle | Middelburg | Noord-Beveland | Reimerswaal | Schouwen-Duiveland | Sluis | Terneuzen | Tholen | Veere | Vlissingen |
|
