Oas
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Oas (Nederlands: Oost) ies 'n wiek in 't noord-oaste van Valkeberg en ten oaste van 't veurmalig gehuch Sint-Pièter. De naam kump van 't gelieknamig kesjtièl Oas, dat hie 't gebeed in eigendóm haet gehad. De Oastergats ies 'ne ouwe weeg vanoet Sint Pièter langs 't kesjtièl riechting Sjin op Geul. Hauverwaegs kump me langs 'ne mergele calvariegroep, besjtaonde oet 2 kapelkes en 'n calvarie, De drie Beeldsjes geneump.
In de jaore nao de Twiède Waereldoorlog óntsjteit hie, in de beemde van de Geul, 'n groate woonwiek besjtaonde oet de sjtraote: Burgemeister Henssingel, Pestoar Sartonsjtraot, Oasterbeeksjtraot, Thibaltsjtraot, Louis Eliassjtraot, Berkelplein, van Tilsjtraot, Dr. Hermansjtraot. 't Gevolg ies dat de parochiekèrk van Valkeberg te klein weurt. In 1955 weurt 'n nuuj parochie opgeriech. De garage van Hotel Palanka deent tot 1960 es noadkèrk. In 1961 ies de nuuj parochiekèrk, gewiejd aan Slevevrouw van ummerdoerende biesjtand, vaerdig. De architect van 't modern mergele boewwerk ies Theo Boosten oet Mestreech. Ouch in de beemde liegke de sjportvelde van Valkeberg en aan de Geul 't hertepark.
|
|
 |
|---|---|
| Dörper: Berg | Brokem | Houtem | Oud-Valkeberg | Sjin op Geul | Sub | Valkeberg | Vild | |
| Buurtsjappe en gehuchte: Boete de Paort | D'n Emmaberg | Geulem | De Hièk | De Hièkerbeek | Hièrewaeg | Iezere | Ingwege | Keuteberg | De Nerem | Oas | De Plenkert | Sint Gerlach | Sint-Pièter | Sjoanbrón | De Sjtoepert | Sjtraobaek | Sjtröch | Terbliet | Vroenhof | Walem | |
