Panninger Seitenlinie
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
De Panninger Seitenlinie is 'n isoglosse die rech door 't Limburgs taolgebeed löp. Te noorde en weste vaan die grens zeet me schat, te zuide en ooste zeet me sjat. 't Groetste deil vaan 't Limburgs taolgebeed hèlt de variant sjat aon, meh in o.m. Venlo, Wieërt en Hasselt kump de Hollandse combinatie sch- wel veur.
Same mèt de doe-gijlien en twie vocaolisoglosse (die lien-goed/good en de lien-tied/tijd) markeert ze d'n euvergaank vaan Centraol Limburgs nao Wes-Limburgs, en vörmp ze plaotselik de Genker Barrièr. In 't noorde vörmp ze, same mèt 'ne gansen houp ander isoglosses, de wazege grens tösse Limburgs en Noord-Limburgs/Braobants. Bij Mael (Meijel) spliet ze ziech aof vaan de Panninger Linie; dit dörp ligk vreemp genoog oonder de Panninger Seitenlinie dewijl alle andere belangrieke isoglosses zjus oonder Mael door loupe.
