Romani

Van Wikipedia

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.

---

't Romani of Romanes is de taal van de Roma en besjteet taalkundig bezieë oet väöl versjillende tale, die oonderling neet mie allemaol te versjtoeë zeunt. Ze zeunt allemaol waal verwant an 't Hindi en Punjabi. De Roma zowwe op groond va taalkundig oonderzeuk oet 't noorde van India en Pakistan sjtamme. De lieënwaoërd in hun tale vertille hun rees nao 't weste.

Recaent oonderzeuk bewiest 'n verwaantsjap mit 't Singalees, 'n Indo-Europese taal die verwaant is an 't Sanskriet.

De Roma haowe vas an hun taal, mae lieëre daonaeëve och de taal van 't laand oeë ze verblieve. Väöl Roma zeunt driej- of mieërtalig. 't Romani van de Balkan haat nog de ach naamvalle van 't Sanskriet. De mieë westeleke Roma, die naeëve hun taal 't Duutsj lieërde, lete versjillende naamvalle in d'r loop van d'r tied valle. De taal wert sinds kort och op sjrif gezat.

[bewirk] Erkènning

• De Roma zeunt in Macedonië, Oostenriek, Zjwede en de Sinti en Roma zeunt in Duutsjlaand 'n erkènde nationaal minderhèèd in de kaders van 't Kaderverdraag inzake de besjerming van nationaal minderhede.
• 't Romani is binne de kaders van 't Europese Handvest ter besjerming va regionaal tale en minderhede erkènd in Finland, Duutsjlaand, Montenegro, Nederland, Oostenriek, Servië, Slovenië, Slowakije en Zjwede.

[bewirk] Externe leenk

D'r is 'n Romani editie van Wikipedia, de vriej encyclopedie.