Pakistan

Van Wikipedia

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

Pakistan


Officieel taol	Urdu
Hoofstad	Islamabad
Staotsvörm	Rippebliek (dictatuur)
Staotshoof	Perwez Musharraf (sins 1999)
premier	Shaukat Aziz
Groondgebeed % water	803.940 km² 3,1%
Einwoeners	150,7 miljoen
Munt	Pakistaanse Rupee (PKR)
Tiedzaone	UTC +5
Nationale fiesdaag	14 augustus
Volkshymne	Pak sarzamin sjad bad
Landcode	PAK
TLD	.pk
Tillefoon	+92

Pakistan is e land in Zuid-Azië, aon de Indischen Oceaan, grènzend aon Iraan, Afganistan, Sjina en India. 't Land heet Islamabad es hoofstad, meh Lahore (de aw hoofstad) en Karachi zien groeter. 't Land weurt doorstruimp door d'n Indus en is bergachteg: in 't noorde ligke inkel hiel hoeg toppe vaan de Himalaya en door de res vaan 't laand löp 't middelhoeg Hindoe Koesj-gebèrgde.

[bewirk] Administratief indeiling

Pakistan heet 4 provincies. Traditioneel volker höbbe hun eige besteurseinheid, de Federaol Geadministreerde Stammegebejer, en ouch de hoofstad heet 'n eige territotium. Jammu en Kasjmir weure door gouverneurs besteurd. De provincies zien Balochistan, Punjab, Sindh en de Noordwestelike Grènsprovincie.

[bewirk] Taole

De officieel taol is 't Urdu, 'n variant vaan 't Hindustani, in tegestèlling tot 't Hindi gesjreve in 't Arabisch Sjrif. Veurnaom volkstaole zien 't Punjabi, 't Sindhi, 't Baluchi, 't Pasjtoe en 't Kasjmiri.

[bewirk] Historie

De Indusvallei woort tusse 3000 en 1800 veur Christus bewoend door de Induscivilisatie, ein vaan de ajdste civilisaties die de minsheid gekind heet, en die neet in verbinding mèt Mesopotamië of Sjina stoont. Dees besjaving had zie cintrum in 't modèrn Pakistan, boe al hoonderde neerzèttinge gevoonde zien. Bij 't binnevalle vaan de Indogermane verveel de besjaving en bij 't opbleuje vaan de Vedische civilisatie speulde 't Indusgebeed mer 'n marginaal rol.

Roond 520 v.Chr. woort Pakistan vereuverd door de Perzische dynastie vaan de Achaemenide, en 't gebeed blaof Perzisch tot Alexander de Groete 't in 334 v.Chr. inliefde en 't nao zienen doed bij 't Riek vaan de Seleucide góng hure. Oonder de regering vaan de Indische Maurjane verspreide ziech 't boeddhisme euver Pakistan. 't Land blaof oonder Indische voorstehoezer tot in de ierste ieuw de Koesjiete e good deil vaan 't land bezètde.

In de Middelieuwe vele de Mongole en de Törke in; in 't spoer vaan de lèste kaome de Soefi's veur d'n Islam te introducere, wat lukde. Vaanaof de late Middelieuwe tot aon de Britse vereuvering regeerde de Mogul euver Pakistan, dee neet allein in Delhi meh ouch in Lahore väöl imposante gebouwer leet neerzètte, en väöl in 't laand investeerde. Aon 't ind grepe Sikhs de mach, tot in 1857 de Britte gans Pakistan oonder controle gebrach hadde (zuug wijer Brits Indië).

In 1940 woort beslote tot de gebejer boe de moslims in de mierderheid waore 'n eige staot zouwe kriege, wat in 1947 leide tot de creatie vaan Pakistan (De naom beteikent land vaan de reine, meh is ouch 'n aofkoring vaan Punjab, Afghan, Kasjmir, Sindh en Baluchistan. Es oonaofhenkelike natie kaom stoont 't land langen tied oonder militair beweend, en veurden 't twie kier oorlog mèt India, in 1965 en 1971; aon 't ind vaan de lèsten oorlog mós Pakistan de oonaofhenkelikheid vaan de mielewij anclaaf Oos-Pakistan erkinne; 't land góng Bangla Desh hete. In de jaore zeventeg en tachteg bouwden 't 'n democratie op (mèt de internationaol gewaordierde première Benazir Bhutto), meh in de jaore neugeteg naome de spanninge mèt India wier touw, wie bekind woort tot bij len euver atoomwaopene besjikde. De democratie woort veurloupeg beëindeg in 1999, wie generaal Musharraf 'ne coup pleegde, meh heer mós 't volgend jaor al nui parlemintsverkezinge oetsjrieve. Nao de aonvalle vaan Al-Qaedah in 2001 wèrkden 't land actief mèt aon de campanje vaan de Vereinegde Staote tege Usâmah bin Lâdin en d'n Talibaan.

Len in Azië
Afganistan \| Armenië² \| Azerbaidzjan¹ \| Bahrein \| Bangladesj \| Bhoetaan \| Börma \| Broenai \| Cambodja \| Cyprus² \| Filipiene \| Georgië² \| India \| Indonesië \| Iraan \| Irak \| Israël \| Japan \| Jeme \| Jordanië \| Katar \| Kazachstan \| Kirgizië \| Koeweit \| Laos \| Libanon \| Maledive \| Maleisië \| Mongolië \| Nepal \| Noord-Korea \| Oesbekistan \| Omaan \| Oos-Timor \| Pakistan \| Palestiense Staot \| Papoea Nuuj-Guinea \| Rösland¹ \| Saoedi-Arabië \| Singapore \| Sjina³ \| Sri Lanka \| Syrië \| Tadzjikistan \| Thailand \| Törkieë \| Turkmenistan \| Vereinegde Arabische Emirate \| Viëtnam \| Zuud-Korea
Aafhenkelike gebejer: Akrotiri en Dhekelia² \| Gazastrook \| Hong Kong \| Makau \| Westelike Jordaanover
Status betwis: Palestiense Staot \| Sjina (nationalistisch) \| Sjina (volksrippebliek) \| Törks Cyprus
1. Dit land ligk gedeiltelik in Europa. 2. Dit land ligk geografisch in Azië, meh weurt óm cultureel en historische raejes bie Europa ingedeild. 3. Sins 1949 oonder twie regeringe verdeild.