Sjeng
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Sjeng is 'ne veurnaom veur jongens dee veural in Limburg veurkömp en daan mèt naome in 't Zuide, in en roontelum Mestreech. De naom is aafgeleid van Sint Jan (heilige Johannes).
'ne (mannelike) Mestreechteneer weurt ouch wèl Sjeng genömp, zoewèl door ziechzelvers es door Limburgers vaan boete Mestreech. Sóms weurt ouch 't Mestreechs dialek Sjengs genömp. 'nen Echte Sjeng dee nömp trouwens alle Limburgers vaan boete Mestreech dèks "boere".
Jaan of Sjang is de Mestreechse naom veur Jan of Jean. 't Verkleinwoord vaan Sjang is Sjengske. Es Sjengske groet weurt nump me häöm soms neet Sjang mèr Sjeng. Vreuger numde ze boete Mestreech 'ne Mestreechteneer: 'ne Pier.
[bewirk] Bekinde Sjenge
- Sjeng de Belsj (echte naom Jean Paulussen), Belsje zenger (gebore in Veldtwezelt-Lanaken) dee leedjes in 't Mestreechs zingk, bekind vaan "Es iech in dien auge kiek", "De polonaise trein" en "De leefs mer eine kier".
- Sjeng Kraft, pa vaan Beppie Kraft, accordeonis en sjriever vaan vastelaovendsleedsjes
- Sjeng Kremers, tösje 1977 en 1990 Gouverneur vaan Limburg;
- Sjeng Meijs, Valkebergs diechter;
- Sjeng Schalken, bekinde tennisser oet Weert;
- Sjeng Scheffers, waor veur 'nen tied de woordvoerder vaan 't Mestreechse woenwagekamp Vinkenslag.
- Sjeng Tans, politicus en opriechter vaan de Universiteit Mestreech
