Sjlieëkrieëke-draank

Van Wikipedia

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.

---

D'r sjlieëkrieëke-draank wert gemakt va sjlieëkrieëke, soeker en laeëveswater of eaux de vie. 't Is, zjuus wie e drupke of 'ne pèkè, 'ne sjtaerk alkoholische draank dae van aodsher in d'r gaanse sjtrieëk tussje Aoke, Luuk en Mestreech wert gemakt.

[bewirk] Bereiding

Es 't in d'r weenter ene kieër good gevraore haat geet me de besse van d'r sjlieëdaoën, de sjlieëkrieëke plukke. Me kint ze och ieëder plukke en 'n nach in d'r vreezer liegke. Me nimt 'n groeëte tas krieëke. In eeder krieëk sjtikt me èng kieër mit 'n sjtopnaold. Me deet de tas krieëke in 'ne bokaal van 'ne liter en sjtrujt d'r 'n tas soeker op. Dan sjudt me ene liter laeveswater of aux-de-vie d'r op (plusminus 30%) en zit d'r bokaal op 'n duuster, keul plaatsj. Nao 'n mond, vreuger traditioneel roond nuujjaor, kint me e sjlieëkrieëke-drupke dreenke. Puur of 'n kokteel mit sjweps of tonic. Es me de sjlieëkrieëke vervingt dör zjwarte miemele kriet me 'n drupke mit cassis-sjmaak.

[bewirk] Varia

• Es me sjlieëkrieëke èt kriet me dao sjlieëteng (sleeuwe tanden) va, 'ne specifieke aansjlaag op de teng dae och 't dreenke van sommige theesaoërte gift.
• 't VVV va Voere haat dizze draank gecomercialiseerd en lut 't Voerdrupke semi-industrieel aa-make.