Can

From Wikipedia

Can

O can o l'è in mammifeo do ordine de i Carnivòï. I cæn son stæti addomesticæ da i lupi 15.000 anni arreo. Studi reçenti dixian che i can son stæti addomesticæ pe a primm-a vott-a in Cinn-a e portæ in america da i primmi abitanti. Ricerche genetiche han individuô catorse rasse de can antighe, e ciù vegie seijan: Chow Chow, Shar Pei, Akita Inu, Shiba Inu e Basenji.
In te li secoli i can son divegni çentinäia de rasse di tutti i coloï e dimension.
I cæn son animà soçià comme i ommi, e pe questa ragiòn son fassili da addomesticà e addestrà, se integran in ta famiggia e in to louö de i padròn e indi i cæn ha guagnoô unn-a posiçion uniga in ta soçietæ. A fedeltæ e devosion che de i can, derivâ da o lô istinto de vivvê in branco, a la è assoçiä a o amô e a amicissia, e a portô tantissime personn-e a vedde o can comme un membro da famiggia, e comme o megiö amigo de l'ommo. De inverso, i cæn veddan l'ommo comme parte do o branco e comme capo ascì.
Numerose rasse de cæn son stæte creè pe louâ con e pe i ommi, comme pastô, cæn da caccia, cæn da guardia, fin a divegnì bagnin e cæn pe ciechi ascì. Purtroppo son stæti e son usâ pe crudeltæ ascì, comme i combattimenti e e corse de cæn, dovve i cæn son spunciæ a comportamenti innaturä pe o divertimento de i ommi soö.
In ätre cötùe i cæn non han a mexima posisciòn, e son de converso simbolo de impuressa e spesso vegnan allevæ comme alimento soö.

[edit] Taxonavigaçion

Canis Lupus Familiaris - Can

Superregno: Eukarya

Regno: Animalia (Metazoa)

Subregno: Eumetazoa

Superphylum: Bilateria: Deuterostomia

Phylum: Chordata

Subphylum: Vertebrata

Infraphylum: Gnathostomata

Classi: Mammalia

Sottoclasse: Theria

Infraclasse: Placentalia

Ordine: Carnivora

Sottordine: Fissipedia

Famiggia: Canidae

Genere: Canis

Speçie: Canis lupus

Sottospeçie: Canis Lupus Familiaris

Nomme: Canis
Linnaeus 1758