Kümmel
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Chümi« |
Chümmi (au Kümmi; Lat: Carum carvi) isch e Gwürz. Me benutzt vorwiegend d Soome, wo riich an ätherischen Öl sin.
Chümmi isch eini vo den älteschte Gwürzpflanze und syt em Altertum bekannt.
Beliebt isch Chümmi in Kombination mit schwere oder blaiende Spyse (z.B. Kohlgricht). Er wird bsunders gärn zu Chäs (z.B. Münschterchäs) serviert. Er wird au zu Schnaps bzw. Likör (Aquavit) verarbeitet.
D Inhaltstoff vom Chümmi (vorwiegend Carvon und Limonen) sölle d Verdauig aarege, gege Blaiige und Kolike wirke und dr Appetit aarege. Nit wisseschaftlig belayt isch d Wirgig by Menstruationsbeschwärde und als milchtriibends Mittel.
