Primärgruppe
Us der alemannische Wikipedia, der freie Dialäkt-Enzyklopedy
E Primärgruppe (au Clique) isch e Gruppe vo Lyt, wo us eme beschtimmte Grund immer wieder zämekhunnt.
Bsunders by dr Basler Fasnacht hän Clique (als Fasnachtsclique) e wäsentligi Bedytig.
Si sin us de dozmol Fasnachtsgsellschafte gnennte Vereinigunge in dr Mitti vom 19. Jh entstande. Als eltischti Clique gälte die Vereinigte Kleinbasler VKB, wo's syt 1884 ununterbroche gyt.
D' Clique bestehn us verschiedene intärne Gruppe: dr Vortrab, s'Requisit, d'Ladärne, d'Pfyffer, dr Tambourmajor, d'Drummler (oder Tamboure). Gwissi Clique hän au no Wääge.
Die grosse Clique sin in verschiedeni Abteilige unterteilt:
- nach Alter: d'Binngis, die Jungi Garde, dr Stamm, die Alte, etc.
- nach Gschlächt: d'Junte (d'Frauesektion)
