Voyager 1
Us der alemannische Wikipedia, der freie Dialäkt-Enzyklopedy
 |
|
|
|
 |
Dialäkt: Markgräflerisch (Ebringe) |
Voyager 1 isch e Ruumsonde, wo 16 Däg nooch Voyager 2 am 5. September 1977 vu Cap Canaveral mit ere Titan IIIE-Centaur-Rakete gstartet worre isch. Si isch uf e Flugbahn brocht worre, wo si ihr ersts Ziel, dr Jupiter, früeher als ihri Schwestersonde erreiche lo het. Voyager 1 isch ursprünglich as Mariner 11 as e Deil vum Mariner-Programm plant gsi.
Inhaltsverzeichnis |
[ändere] Missionsverlauf
D'Jupiterbeobachtige hän mit dr erste Photos im Jänner 1979 agfange. Mit 278.000 km Entfernig isch no am 5. März 1979 d'Jupiter-Passage erfolgt. Nooch binoh 19.000 Ufnahme isch d'Jupiter-Mission abgschlosse gsi. Im Jupitermond Io isch si bis uf 18.640 Kilometer noh chumme un het debi erstmolig uf eme usserirdische Himmelskörper vulkanischi Aktivitäte noochwiise chänne.
Dr Jupitervorbilflueg isch zu eme sognennte Swing-by oder gravity assist benutzt worre: D'Aziegigschraft vum Jupiter het d'Sonde nit nur so starch beschlünigt, dass si s'Sunnesystem verlosse wird, sundern au uf ere schnelle Bahn zum Saturn glenkt, wo si no am 12. November 1980 im e Abstand vu 124.200 mit witterer Beschlüngig vorbigfloge isch. Debi sich d'Fluegbahn starch abglenkt worre un d'Sonde het d'Erdbahnebeni (Ekliptik) verlo.
Bim Saturnvorbiflueg sin komplexi Strukture im Ringsystem entdeckt worre (schinbar verdrillti Ring, Schäferhundmönd un speicheartigi Strukture). Dr Vorbiflueg in numme 2000 km bim Saturnmond Mond isch degege e photographischi Enttäuschig gsi. Die uerwartet dicht Atmosphäri isch im optische Deil vum Liechtspektrum udurchsichtig un fer e Beobachtig im noche Infrarot, wo d'Titan-Luft dursichtig isch, sin cheini Instrumenter an Bord gsi.
Am 17. Februar 1998, um 22:10 Uhr UTC het Voyager 1 mit 10,4 Milliarde km Entfernig zue dr Sunne Pioneer 10, wo scho anno 1972 zum Jupiter gstartet gsi isch, als am witteste entfernts vu Mensche bauts Objekt yberholt.
Am 14. Oktober 2005 isch Voyager 1 14,5 Milliarde Kilometer (97,1 Astronomischi Eiheite (AE) oder 13,4 Liechtstunde) vu dr Sunne entfernt gsi un het bis jetzt e Wäg vu 115 AE (17,2 Mrd km) hinder sich brocht. Sie entflieht mit ere Gschwindigkeit vu derzitt ca. 3,6 AE (0,6 Mrd km) pro Johr relativ zue dr Sunne, was ca. 17 Kilometer pro Sekunde (km/s) entspricht.
In ere Presseerklärig vum 24. Mai 2005[1] het d'NASA mitdeilt, dass Voyager 1 am 16. Dezember 2004 als ersts vu Mensche bauts Fluegobjekt d'Termination Shock-Region passiert het un sich jetz dr Grenze vum Sunnensystem, definiert as dr Iflussberiich vum Sunnewind nächeret. D'Ruumsonde fliegt jetz in dr Heliosheath gnennte Zone vum Sunnesytsem, wo dr Einfluss vu dr Sunne numme schwach isch un dr Sunnewind uf s'dünn interstellar Gas stösst. D'Heliopause sott lut NASA 2015 erreicht werre. Die wichtigste Bordsysteme un einigi Instrumenter sin noch immer in Funktion.
Mer erwartet, dass dr Kontakt mit dr Sonde noch bis öppe anno 2020 ufrecht erhalde werre cha, denooch cha dr Radioisotopegenerator nimmi gnueg Energi lifere, um kritischi Systeme mit Energi z'versorge.
Voyager 1 trait (wie au Voyager 2) eini vu dr beide goldene Sounds of Earth-Schallplatte mit sich.
[ändere] Trivia
Dr Film Star Trek I handelet vu ere e fiktive NASA-Sonde Voyager VI, wo als Hommage vu dr Filmmacher ans Voyager-Programm so daift worre isch.
[ändere] Quelle
[ändere] Webgleicher
 |
Commons: Voyager 1 – Witeri Mulitimediadateie zum Artikel |
- Die Voyager Raumsonden Teil 1 (dt.)
- Die Voyager Raumsonden Teil 2 (dt.)
- Bericht yber die nöieste Messdate (engl.)
- Status vu dr Voyager-Sonde (engl.)
- Voyager Ufnahme im Saturnsystem e Bildergaleri vu dr Fachrichtig Planetologi un Fernerchundig an dr FU Berlin (dt.)
Dr Artikel basiert uf ´ra freie Ibersetzung vum Artikel „Voyager 1“ us dr dytsche Wikipedia. E Lischte mit de dörtige Autore kasch dörte aluege
