Weltlachtag
Us der alemannische Wikipedia, der freie Dialäkt-Enzyklopedy
De Weltlachtag werd all Joor am erste Sunntig im Mai gfiiret und isch vode Yogalachbiwegig iniziert wore. Die Biwegig bistoot hüt us öber 5000 Lachklüb.
Is Lebe gruefe worden isch de Weltlachtag vom indische Dokter Madan Kataria, wo au de Gründer vom Lachyoga isch. S Fest vom Weltlachtag söll de Weltfride verkörpere und het s Ziil, e globaals Biwusstsii vo Brüederlichkait und Fründschaft dor s Lache z entwickle.
S ersti Weltlachtagtreffe isch em 11. Januar 1998 i de indische Stadt Bombay abgange, wo sich 12'000 Mitglider vo lokale und internationale Lachklüb troffe hend. Am 9. Januar 2000 het s Weltlachtagtreffe zerstmol nöd z Indie stattgfunde, sondern z Koppehage. Da „Happy-Demic“ mit mee as 10'000 Lachi ufem Roothuusplatz vo Koppehage isch im Guinness-Buech vo de Rekoord ufgnoo wore.
Weniger lachfroidig sind die Dütsche, aber immerhi treffet sich am Weltlachtag i merere Städt wie Berlin oder Hamburg so öppe 50 bis 100 Mensche zum gmainsame Lache. Z Frankfuert werd denn usnaamswiis au i de U-Baan glachet und im Zentrum vo de dütsche Lachbiwegig, de "Kirche des Humors" (Chile vom Humoor) z Wisbade gits den jewils e groossi Veraastaltig.
Natürli gits au ide Schwiz Lachklüb und de Weltlachtag s Zöri haisst "Lachparade".
[ändere] Gleicher
Dr Artikel basiert uf ´ra freie Ibersetzung vum Artikel „Weltlachtag“ us dr dytsche Wikipedia. E Lischte mit de dörtige Autore kasch dörte aluege
