Basajarau
De Biquipedia
Basajarau, Bonjarau u Bosnerau ye como le se clama en as bals d'Ansó, Tena y Broto á lo "Siñor d'os Bosques", personache d'a mitolochía altoaragonesa.
Basajarau ye un bigardo de pelo largo que le tapa toda la espalda y que aduya y protexe á pastors y rabaños d'as tronadas y as fieras d'os bosques. Si os rabaños le sienten, le saludan fendo sonar as suyas esquiellas.
Cuan dondia por as selbas dixa unas pisatas estranias. En una d'ellas se puede reconoxer un pie umán, pero l'atra ye redoldiata como a tronca d'un arbol. Dize a falordia, que como os diaples, o Basajarau quedó coxo dezaga de perder a guerra en o Zielo y cayer enta la tierra.
En as bals bezinas d'o perineu nabarro a iste personache le se clama Basajaun.
