Buenaventura Durruti

De Biquipedia

Buenaventura Durruti Naxito n'o: 14 de chulio de 1896 Naxito de: Lión Muerto n'o: 20 de nobiembre de 1936 Muerto á: Madrid Ocupazión: Politico

Buenaventura Durruti Dumange (Lión, 14 de chulio de 1896 - †Madrid, 20 de nobiembre de 1936) estió un sendicalista y reboluzionario anarquista español.

[editar] Biografía

Naxió en Lión o 14 de chulio de 1896 n'o barrio de Santa Ana, fillo d'un fainero afillato á ro sendicato sozialista UGT. Partizipó n'a bada cheneral reboluzionaria de 1917 como melitán de UGT, d'a que serba itato por esfender posizions reboluzionarias.

Se tresladó en 1920 ta Barzelona, an se afilló á ra CNT (Confederación Nacional del Trabajo). En 1922 creyó chunto con Joan García Oliver y Francisco Ascaso ra colla "Os Solidarios", con a que perpetró un atraco á ro Banco d'España de Xixón en 1923. Se li acumuló tamién l'asesinato d'o cardenal Juan Soldevila y Romero, un d'os prenzipals finanziadors en Aragón d'os comandos de pistolers blancos d'a patronal, que asasinaban á melitans fainers estacatos. Tenió que fuyir ta Archentina y dimpués ta Chile an chunto á compañers anarquistas leban á cabo ra primera enrestida en ixe país, l'atraco ye produto d'una campaña ta achuntar recursos ta liberar á compañers que se trobaban en bellas garcholas d'España. Continó dimpués o suyo trango por atros países latinoamericans y europeyos.

En 1931 tornó ta España, y s'integró n'o seutor faista (prosimo á ra FAI, Federazión Anarquista Internazional) d'a CNT —belixerán con a II Republica— y prenió parti en as insurreuzions de 1932 y 1933.