Cagot
De Biquipedia
Os cagoz yeran un grupo sozial marchinal que bibiba en Franzia y noreste d'España, espezialment en Guipuzcua, norte de Nabarra, Zinco Billas, Chazetania, Biarn y Gascuña. Han estato conoxitos con muitos nomes: gafos, cagots, agotes, mesiellos, etz...
No yeran consideratos de lo mesmo grupo etnico que la poblazión cheneral, no lis se permeteba fer muitas cosas y costituiban una casta d'ofizio obligata á malbibir y dedicar-sen á triballos artesanals. Lur marchinazión yera més gran en Nabarra, Biarn y Gascuña. En la Chazetania y determinatas zonas d'Oczitania lur marchinazión yera menor e han dixato menos notizias. La embotada de los Canfraneros deriba d'esta chen Cagotes.
Lur aspeuto fesico ye diferent de l'aspeuto de la chen de lo Norte de Nabarra. Destaca á l'alta frecuenzia de lo lobulo de la orella apegato á la piel de la mandibula, á diferenzia de la poblazión cheneral, que lo tién á sobent deseparato y con atra forma.
[editar] Istoria
Lur orichen ye polemico. Esiste una teoría que los relaziona con bisigotos, basandose que en oczitán ca got sennifica prezisament can got. Atra teoría los relaziona con os catars.
Los autors Marca y Lardizábal niegan que sigan Catars, car los catars amanixen en Lenguadoc por l'año 1170 y desaparixen en l'año 1215. Se sape que los cagoz ya esistiban en l'año 1000, con lo nome Crestiaas, como se deduze de lo Cartulario de l'Abadía de Luc y de l'antigo fuero de Nabarra compilato por Sancho Remíriz en 1070 y que los menziona como Gafos.
En 1819 as Corz de Nabarra promulgoron leis pa rematar con la marchinazión, leis que abrogoron las leis meyebals discriminadoras. Tamién se prebó establexer cagoz en Madrid, en lo lugar que güei se clama Nuebo Baztán. Bels agoz emigroron ta America, pero a más gran parte de los cagoz permanexió en lurs lugars u se'n tornó á la fin.
Encara con la ley de 1819 proibindo la discriminazión, lur marchinazión duró dica lo sieglo XX en la Bal de Baztán. Lo bico de Bozate en Arizcum (Bal de Baztán) yera un guetto cagot, y la chent que güei i bibe desziende dreitament de los cagots.
