Sancho Remíriz
De Biquipedia
|
||
| Informazión | ||
|---|---|---|
| Rei en |  Aragón y  Nabarra |
|
| dende | 1063 (Aragón) y 1076 (Nabarra) | |
| dica | 1094 | |
| Prezedito por | Remiro I (Aragón) Sancho Garzés IV (Nabarra) |
|
| Suzedito por | Pietro I | |
| Naximiento | 1042 | |
| Muerte | 1094 | |
Sancho Remiríz estió rei d'Aragón entre 1063-1094 y de Nabarra entre 1076-1094. Conoxito como Sancho I d'Aragón y como V de Nabarra.
Fillo de Remiro I y Ermesinda de Foix. Se casó en primeras nunzias con Isabel d'Urchel d'a que naxería o futuro rei Pietro I.
Suzedió á lo suyo pai á la edat de 18 años. Prenió Balbastro á los musulmans, en 1065, en unión con Armengol conte d'Urchel, qui morió en a reyerta. O rei de Nabarra, Sancho Garzés, primo de Sancho Remíriz, estió asasinato por o suyo chirman Remón, que en una marcha de cazata li empentó dende un cantal. Os nabarros, no quereban estar gubernatos por o fratrizida, eslixioron como rei á Sancho Remíriz, o cualo encorporo a corona de Pamplona á la d'Aragón.
En 1078 talló os campos de Zaragoza, construyió a fortaleza d'o Castellar, más tardi fazió trebutario á lo rei arabe d'aquera ziudat. En 1083 s'apoderó d'o castiello de Graus y d'Ayerbe que mandó repoblar. A conquista d'a plana s'iba asegurando con a construzión de castiellos. Construyió os castiellos de Lobarre, Obano, Mont Aragón, Artasona y Castiliscar entre atros.
En l'año 1089, abendo ganato Monzón, dió ista ziudat á lo suyo fillo Don Pero con tetulo de rei (rei de Monzón), encara que ya lo'n yera de Sobrarbe y Ribagorza.
Pa establexer relazions cordials con o Castiella, aduyó á Alifonso VI en a batalla de Sagraxas (1086) y en a defensa de Toledo (1090) y, tamién achustó un tratato d'aduya mutua con o Zid Campeador (1092).
Morió o 4 de chunio de l'año 1094 d'un flechazo que rezibió mientres yera encorralando Uesca. O suyo calabre estió lebato á lo monesterio de Montearagón, y trasladato dimpués á lo de San Chuan d'a Peña.
A suya segunda muller estió Felizia de Roucy, d'a cuala naxioron o infán D.Ferrando de Nabarra, Alifonso I y Remiro II.
| Predezesor: Remiro I |
Rei d'Aragón 1063 - 1094 |
Suzesor: Pietro I |
| Predezesor: Sancho Garzés IV |
Rei de Nabarra 1076 - 1094 |
Suzesor: Pietro I |
