Casas del Puent
De Biquipedia
As Casas del Puent (en aragonés moderno Casas d'o Puen) estioron a siede d'o Conzello de Zaragoza dende a Edat Meya dica primers d'o sieglo XX, situada entre a Loncha y o Puen de Piedra, d'o cual pilló o nombre.
En ella i eba una sala en do se feba as reunions d'o Capitol et Concello, asambleyas que gobernoron a ziudat dica os Decretos de Nueba Planta de 1707. A metat d'o sieglo XVI se dezidió de fer en un costau a Loncha d'a ziudat, conserbada dica güe. Se cremó en os bombardeyos de 1809, y dimpués se refazió, pero a primers d'o sieglo XX o Conzello marchó enta un edifizio d'a plaza de Santo Domingo, y se mandó d'espaldar istas Casas del Puent.
