Castiello d'Alcañiz
De Biquipedia
Lo Castiello d'Alcañiz u Castiello de los Calatrabos ye un castiello situato en la tuca de lo Pui Pinos, parte més alta d'Alcañiz. Pertenexió á los Calatrabos, que plegoron ta Alcañiz en 1157 dimpués que Alifonso II lo Casto lis ne zedese.
Dita orden melitar tenió muita importanzia en la Reconquista de lo Baxo Aragón e norte de Castellón y en la chestión u gubierno de los terrenos reconqueritos.
Las dependenzias més antigas datan de los sieglos XII e XIII destacando la capiella, lo claustro e la torre de l'omenache con importans pinturas murals de estilo gotico linial, de prenzipios del sieglo XIV, con temas chuglarescos e caballerescos. La frontera ye de lo sieglo XVI.
En los sieglos XIV e XV li se añadioron elementos de ornamentazión mudéxar tanto lo mesmo castiello como en las murallas que bi ha arredol.
