Alcañiz

De Biquipedia

Alcañiz
Casa d'a billa d'Alcañiz
Comunidat autonoma	Aragón
Probinzia	Tergüel
Redolada	Baxo Aragón
Codigo postal	44600
Latitut Lonchitut	{{Coor dd| lon=-0.13|lat=41.05}}
Superfizie	472,1 km²
Altaria	381 m.
Distanzia	160 km enta Tergüel
Poblazión	15.587 ab. (2007)
Chentilizio	{{{chentilizio}}}
Ríos	Guadalop
Pachina web	www.Alcaniz.es

Alcañiz ye una ziudat aragonesa, situada en a probinzia de Tergüel. Ye a segunda poblazión més poblata de Tergüel e capital d'a redolada d'o Baxo Aragón.

Contenius 1 Cheografía 2 Istoria 3 Molimentos 4 Ozio 5 Enrastres esternos

[editar] Cheografía

La parte biella ye en unas terrazas flubials penchatas de lo río Guadalop e la parte más nueba s'escampa por la ribera de lo Guadalop radendo la güerta.

Lo termin d'Alcañiz ye muito gran e incluye zonas luent de la ribera debant dita que no desauguan en lo Guadalop, lo fan en o Regallo u son endorreicas (Saladas d'Alcañiz). La Estanca d'Alcañiz ye una antiga lacuna salata que s'aprobeito como entibo con augua de zaica, e sirbe pa regar la cuenca de lo río Regallo (reganos de Pui Moreno e Bal Muel).

[editar] Istoria

A menzión més antiga d'Alcañiz ye a zita d'Al Udrí que diz que en Al-Kanisa acampó una espedizión andalusina contra Isma-il Ibn Muza, que se trobaba en Zaragoza, y on i abió una batalla en 878-879. Ibn Hayyan diz que en una campaña d'Abderramán III contra Pamplona en 924 pasó por as coras de Tudmir e Tortosa e abanzó ta la Marca Superior aturando-se en Alcañiz, en os alfozes de Zaragoza, cuan s'enfilaba ta Tudela. L'escritor musulmán Yaqut da notizia d'Alcañiz, Qānnīš en arabe, en os sieglos XII-XIII: un castiello (hisn) de l'Al-Andalus dependién de Zaragoza.

Alifonso I lo Batallero abanzó ta l'este ocupando Alcañiz y plegando ta Horta de Sant Joan. Cuan murió Alifonso I os cristians rebloron y perdioron Alcañiz. A conquista finitiba se produzió en 1157 cuan Remón Berenguer IV crebó una tregua con o Rei Lop. N'ixe mesmo año Remón Berenguer tamién atorgó Carta Puebla a Alcañiz. En o Baxo Aragón s'establió l'Orden de Calatraba, y teneban o Castiello d'Alcañiz como zentro de lur comanda.

[editar] Molimentos

• Castiello d'Alcañiz, on estioron los calatrabos (güei ye o parador nazional).
• Loncha.
• Casa d'a billa.
• Ilesia de Santa María la Mayor.

[editar] Ozio

A ziudat ye famosa por as corridas d'autos que se zelebran en as suyas carreras. En as planas amán de La Estanca s'ha feito a ziudat d'o motor con un zercuito an entrenarán os equipes de Formula 1.

[editar] Enrastres esternos

• Pachina ofizial
• Zercuito Guadalope