Chuebes Lardero
De Biquipedia
O Chuebes Lardero u Chorizet ye lo diya que siñala l'inte de surtida d'as garrastolendas u carnabals.
En ista calendata, a chen gosaba salir ta lo campo á minchar e se feban corridas de bimardos por a tardi; cuan lo sol yera cacho e se feba de nueit se zelebraba lo baile d'esfrazes. Encara güei, sobretot en os lugars, se remera este diya con brendas y entropans de lenguaniza. D'astí la mazada de «Jueves Lardero, longaniza en el puchero».
En Benás se diz Chous lardé, en Campo Chous gras. En Alcañiz e Sant Per de Calanda se clama Chorizet (prenunziato chorizer en os dos lugars e tamién chorizé en Sant Per). Pa los d'Alcañiz ye una de las fiestas més importans de l'año, pero pa Sant Per e atros lugars d'Aragón ye agora una fiesta més e no implica dixar de treballar u d'ir ta la escuela. A más de zelebrar-se en Aragón tamien se zelebra en atras partis d'a peninsula Iberica, pero sobretot en a probinzia d'Almería, Castiella-La Mancha, Cataluña, Soria e Cordoba.
