Chunta Aragonesista
De Biquipedia
| Chunta Aragonesista | |
|---|---|
 |
|
| Lider | Bizén Fuster |
| Periodo | {{{periodo}}} |
| Establito | 29 de chunio de 1986 |
| Sede | C/ Conte de Aranda, 14-16, 1º. 50003 Zaragoza |
| Idiolochía | Nazionalismo aragonés, sozialismo |
| Afillatura europeya | Alianza Libre Europeya |
| Afillatura internazional | |
| Chobenalla | Chobenalla Aragonesista (1992 - 2004, 2008 - ) Chobentú - Jóvenes de CHA (2004 - 2008) |
| Colors | Royo y berde |
| Web | Pachina ofizial |
Chunta Aragonesista (CHA) ye un partito politico nazionalista de cuchas aragonés.
Contenius |
[editar] Ideyolochía
Se consideran influyitos per as esperienzias d'o mobimiento sozialista, d'os mobimientos per a emanzipazión sozial y nazional, y d'as corrients ecopazifistas, feministas e umanistas. Ha estato un d'os partito que más s'ha sinnificau en a esfensa de l'Ebro y contra la politica de trascoles d'os gobiernos d'España. Esfienden o dreito d'autodeterminazión d'o pueblo aragonés.
A Chunta Aragonesista ye miembro de l'Alianza Libre Europea e d'a coalizión europea Europa d'os Pueblos.
[editar] Organizazión
L'Asambleya Nazional (congreso) ye l'organo supremo de representazión e dezisión d'a Chunta. Estable las suyas linias politicas, os suyos programas y prenzipios, esliche á los miembros d'a Maya de Pleitos, á los d'o Comité Nazional e á lo president de CHA. Tiene amás a potestat de modificar as ordinazions e o reglamento d'organizazión. Ye compuesta per delegaus (á lo menos uno per cada organizazión de redolada) e s'achunta cada tres años.
O President ye eslechito per l'Asambleya Nazional d'entre los suyos integrants, meyant sufrachio direuto, secreto e libre. Atros cargos echecutibos de CHA son a Secretaría Cheneral e, en o suyo caso, a Bizesecretaría o Bizesecretarías Chenerals. O Presidén desinna, d'entre d'os miembros d'o Consello Nazional, á lo Secretario Cheneral que deberá estar refrendau per l'Asambleya. Tamién podrá lo President desinnar a un u barios Bizesecretarios Chenerals.
O Comité Nazional ye l'organo dezisorio de CHA entre Asambleyas Nazionals; asume a direzión, gobierno, almenistrazión e coordinazión d'o partiu. Estable a estratechia politica seguindo as linias de l'Asambleya Nazional e apreba o presupuesto e as listas eleutorals. S'achunta, á lo menos zinco begadas á l'año. Forman parti d'él güeitanta personas eslechidas per l'Asambleya en lista ubierta, o President d'o partiu y os presidents d'os Ligallos de Redolada, d'os Ligallos d'Emigrazión (autualmén nomás que tres: Madrid, Cataluña e Balenzia).
A Maya de Pleitos ye una espezie de tribunal supremo d'interpretazión d'as Ordinazions. Ye compuesta per siet personas. As suyas funzions son a interpretazión d'as Ordinazions e d'o Reglamento d'Organizazión, resolber sobre as ochezions á las solizituz d'afiliazión á CHA y atras funzions de meyazión, conziliazión y arbitrache.
O Consello Nazional ye l'organo echecutibo supremo entre Comités Nazionals que endreza l'autibidat d'o partiu. Son facultaz d'él a echecuzión d'os alcuerdos prenius per a resta d'organos nazionals, a coordinazión d'os de redolada, a elaborazión d'o presupuesto y l'autorizazión d'os gastos. Ye formau per o President de CHA y dezigüeito consellers eleutos per e d'entre os miembros d'o Comité Nazional. S'achunta á lo menos una begada á lo mes y as suyas dezisions tienen carauter binclant.
En zagueras cada redolada s'organiza en un Ligallo de Redolada, que funzionando en plenario se denomina Asambleya de Redolada y cualo organo ta prener dezisions ye o Consello de Redolada. En o caso de Zaragoza, dada la cantidat de afiliaus s'ha creyato un Comité de Redolada como organo intermeyo, á imachen d'a organizazión nazional d'o partito. Os organos de redolada eslichen a o Presidente comarcal, establezen a linia d'autuazión politica que se seguirá en a redolada y elaboran as listas de candidatos d'as elezions monezipals.
Os afiliatos en un mesmo monezipio s'organizan a trabiés de Ligallos de Lugar, que cheneralment s'estruturan en un plenario denominau Asambleya de Lugar. En o caso de Zaragoza, esiste un organo rector d'ista Asambleya. Amás, tamién esisten en a ziudat de Zaragoza Asambleyas de Bico, que canalizan a partizipazión en un mesmo distrito monezipal y refirman o treballo d'os bocals en as Chuntas de Destrito.
[editar] Istoria
Chunta Aragonesista se constituye o 29 de chunio de 1986 como Unión Aragonesista-Chunta Aragonesista, y se declara ereba d'a tradizión aragonesista de partius de prenzipios de sieglo como Estado Aragonés y a propia Unión Aragonesista. Bels presidents d'o partiu han estato a conzellera de Uesca Azuzena Lozano y o diputau en as Cortes d'Aragón Bizén Fuster, qui ostenta autualment a Presidenzia Nazional.
O partito ha esperimentato un espeutaclar ascenso eleutoral, paralelament a l'aszenso d'atras formazions chirmanas d'España, como Esquerra Republicana de Catalunya, Eusko Alkartasuna u Tierra Comunera. Os suyos dos pimers deputatos en as Cortes d'Aragón estión Chesús Yuste e Chesús Bernal. Autualment cuenta con nueu deputatos en a cambra lechislatiba autonomica e seis conzellers en o Conzello de Zaragoza, que le permitión azeder, dimpués d'as elezions monezipals d'o 25 de mayo de 2003, á ocupar en o Conzello de Zaragoza (dimpués de pautar con o PSOE) as conzellerías d'Urbanismo, Esportes, Aizión Sozial, Educazión, Chobentut e Infreaestruturas e Plans Integrals.
Asinas mesmo, dende 2000, cuenta con un diputato en o Congreso de los Diputados: o mayestro, escritor y cantautor José Antonio Labordeta, a fegura más conoxida d'a CHA.
Botó en 2000 contra d'a imbestidura de José María Aznar. En 2004 botó a fabor d'a imbestidura como president d'o gobierno de José Luis Rodríguez Zapatero, año en o que esperimentó lo suyo primer deszenso urbano en as Elezions a o Parlamento Europeo, en as que continó crexendo en o mundo rural, a penar d'estar un partito que tradizionalment ha cullito más esito en as ziudaz aragonesas. Se presentó a istas elezions en a coalizión Europa d'os Pueblos, chunto con ERC, EA, o PSA y atros partitos nazionalistas y berdes.
En nobiembre de 2004 fazió fuera á las suyas chobentuz, Chobenalla Aragonesista d'o seno d'o partito, debito á un fuerte conflito interno que encara no s'ha soluzionato, ya que, en contra d'o estipulato en as suyas Ordinazions, que encara establezen que Chobenalla ye a suya organizazión chobenil, o Comité Nazional ha dato o carauter d'organizazión chobenil a un nuebo proyeuto amaneixito dende o Rolde (seutorial) de Chobentut, denominau Chobentú - Jóvenes de CHA.
En 2005 fazió campaña en contra d'a ratificazión en referendum d'a Constituzión Europea.
Dende chinero de 2008 Chobenalla son atra begata as chobentuz ofizials d'o partito.
