Edmund Hillary
De Biquipedia
|
||||||||
Sir Edmund Percival Hillary (Tuakau, Nueba Zelanda, 20 de chulio de 1919 - Auckland, Nueba Zelanda, 11 de chinero de 2008) Alpinista y esplorador neozelandés. Estió famoso por aber estato lo primer en puyar t'a tuca d'o t'o Mont Everest, situata á 8.850 metros. I plegó o 29 de mayo de 1953 acompañato d'o xerpa Tenzing Norgay. Ye l'unico neozelandés que amanexió en bida en billet de banco.
Naxito á lo sur d'Auckland, Hillary fué á una escuela que se trobaba á dos oras de camín de casa suya. O choben Hillary gosaba pasar istas oras de trayeuto leyendo. Crexió estando un nino timido que se cubillaba en os libros. Á las 16 añadas prenzipió o suyo intrés por a escalada dimpués d'una escursión escolar á Ruapehu.
Mientres a Segunda Guerra Mundial estió miembro de l'abiazión neozelandesa. Fazió parti d'una espedizión t'o Everest en 1951 que fazió fallita antis d'unir-se en 1953 á la esitosa espedizión britanica. Escaló atras 10 tucas en o Himalaya en besitas posteriors en 1956, 1960, 1961, 1963 y 1965. Tamién plegó en o Polo Sur fendo parti d'a Espedizión transartica d'a Commonwealth o 4 de chinero de 1958.
Sir Edmund Hillario morió con 88 años d'una insufizenzia cardiaca, l'11 de chinero de 2008 en Auckland (Nueba Zelanda).
