Ernesto Guevara

De Biquipedia

Ernesto Guevara Naxito n'o: 14 de chunio de 1928 Naxito de: Rosario Muerto n'o: 9 d'otubre de 1967 Muerto á: La Higuera Ocupazión: Politica

Ernesto Guevara de la Serna (Rosario, Archentina, 14 de chunio de 1928 - La Higuera, Bolibia, 9 d'otubre de 1967), dito lo Che Guevara, estió un politico reboluzionario e lider guerrillero.

Naxito de Rosario en una d'una familia burgesa. Parixe que cuan teneba dos años enferma d'asma, que tién mientres de tota la suya bida, e por ixo la suya familia se tresladó ta atro puesto con d'orache más xuto, Alta Gracia (Cordoba, Archentina), sin que a suya malotía amillorase. A suya educazión primaria estió en a casa suya, á cargo d'a suya mai, Celia de la Serna.

Estudió merezina en a Unibersidat de Buenos Aires. Más tardi, en 1953, se tresladarba ta Guatemala, á on s'une á las tesis populistas d'o president d'o país Jacobo Arbenz, que estió derrocato por os filoimperialistas. Perseguito por os nuebos gubernants, dixa Guatemala ta pasar á Mexico. Astí s'une á lo zerclo reboluzionario de cubanos esiliatos que endrezaba Fidel Castro. Estió un d'os superbibients d'a operazión "Granma", e chunto á Castro e Camilo Cienfuegos integró la triada que comandó lo trunfo melitar d'os reboluzionarios contra o gubierno de Batista (chinero de 1959).

Aintro d'o nuebo gubierno cubano organizó e dirichió lo Instituto Nacional de la Reforma Agraria, dende on creya nuebas lais agrarias, dimpués d'espropiar á los grans terratenients. Estió nombrato menistro d'Industria e president d'o Banco Nacional de Cuba. Estió la fegura prenzipal d'o internazionalismo cubano, e d'a esfensa d'a solidaridat antiimperialista d'os países d'America, Africa e Asia, que queda reflexata en o suyo discurso en Alcher (1963).

En 1965 sorprende á lo mundo con a renunzia á los suyos cargos gubernamentals en Cuba, ta dirichir a luita reboluzionaria d'o Congo. Dimpués d'ista esperenzia, se dedica á la luita guerrillera en dibersos países americanos e, á la fin, en Bolibia (1966).

Preso por o exerzito bolibiano, con a colaborazión d'a CIA, estió asasinato en 1967. En 1997 as suyas restas, trobatas en 1995, estioron enterratas en Cuba con as masimas onors.

O Che Guevara s'ha combertito en un mito, e ta muitos chobens en un idolo. Se le han dedicato muitas cantas como Hasta siempre comandante Che Guevara de Carlos Puebla e bersionata por Boikot, u Canción del elegido de Silvio Rodríguez.