Escudo d'Aragón
De Biquipedia
O escudo d'Aragón se trestalla en cuatro cuartels:
- Primer cuartel: Denzima d'un campo d'oro, una carrasca desenradigata (l'árbol d'o Sobrarbe), con siet rosigons, en os suyos colors naturals, coronata por cruz latina de gules (color royo). Representa a l'antigo Reino de Sobrarbe.
- Segundo cuartel: A Cruz d'Eneco Arista, una cruz de plata denzima d'un campo d'azur (color azul). Yera o emblema de l'antigo Aragón.
- Terzer cuartel: A Cruz de San Chorche remera la conquista de Uesca por as tropas de Pietro I en 1096 con l'aduya de San Chorche. Ye una cruz de gules denzima d'un campo de plata, con cuatro cabezas de moros, una en cada canto y con zintas de plata.
- Cuatreno cuartel: As barras d'Aragón, cuatro barras de gules denzima d'un campo d'oro.
Denzima d'o escudo ye a Corona Reyal d'os reis d'Aragón.
[editar] Barians d'o escudo d'Aragón en l'autualidá
- O Escudo d'o Chustizia d'Aragón adibe á lo escudo d'Aragón un ánchel que simboliza a bexilanzia y a proteuzión d'os dreitos d'os aragoneses.
- En o escudo d'a Unibersidá de Zaragoza aparixe á la dreita de San Braulio un escudo d'Aragón, pero l'orden d'os cuartels ye distinto. En o cuartel superior cucho ye a cruz d'Eneco Arista, en o superior dreito a cruz de San Chorche, en o inferior cucho l'árbol de Sobrarbe y en o inferior dreito as barras d'Aragón. Iste zaguer ye l'unico cuartel que tien a misma posizión que en o escudo d'Aragón.
