Gai

De Biquipedia

Gai
Gai (Garrulus glandarius)
Estato de conserbazión
Seguro.
Clasificazión zentifica
Dominio: Eukaryota Reino: Animalia Filo: Chordata Clase: Aves Orden: Passeriformes Familia: Corvidae Chenero: Garrulus Espezie: G. glandarius
Nomenclatura binomial
Garrulus glandarius
Linnaeus, 1758

O gai u gayo (Garrulus glandarius (L., 1758)) ye un muixón de mida meyana, d'entre 30 e 35cm de lonchitut, con alas curtas e arrondoladas que no gosan á exzeder es 60cm d'amplaria. Como toz es corbidos s'alimenta d'animals chicoz, glans, lulos e altras fruitas, de manera omnibora. Ye un abitant carauteristico d'as selbas d'arbols caduzifolios.

Se conoix rapidament per as suyas carauteristicas colors marronosas u naranchencas en o cuerpo, con franchas blancas en as alas que se zentellean carauteristicament á distanzia cuan l'animal fui per entre ra bechetazión, á mientres emit o suyo carauteristico chilo que li ha dato o nome en aragonés; "gaik", que puet repetir-se e ye siempre estrident. As singulars tacas azuls que tién en as alas només son beyibles cuan l'animal ye posato á ras brancas, e son una d'as partis clau d'a suya identificazión.

O gai ye un muixón imitador, isto quier dezir que emprega tiempos d'a suya bida en aprentar as cantas d'altras abes d'o suyo ambient, e finalment las emprega ta trafulcar-las e fer-las fuera d'o suyo territorio, fendo á sobent que istas creigan que ro territorio ye ocupato per altros animals d'a suya propia espezie. Ista conduita ye singularment important con as cantas de belas rapiñadoras nocturnas, que en establir-se á ro suyo territorio, podriban sinnificar un periglo ta ro chicot corbido.

[editar] Enrastres externos

• Se beigan as imachens de Commons sobre gais.

• Wikispecies tién altras informazions sobre gais.