Garra pescataire
De Biquipedia
| Garra pescataire | ||||||||||||||||
|---|---|---|---|---|---|---|---|---|---|---|---|---|---|---|---|---|
 Garra pescataire (Ardea cinerea) |
||||||||||||||||
| Estato de conserbazión | ||||||||||||||||
|
||||||||||||||||
| Clasificazión zentifica | ||||||||||||||||
|
||||||||||||||||
| Nomenclatura binomial | ||||||||||||||||
| Ardea cinerea | ||||||||||||||||
| Linnaeus, 1758 | ||||||||||||||||
 Berde claro: Estíu. Berde fosco: Tota l'añada. Azul: ibierno. |
A garra pescataire u pescatera (Ardea cinerea (L., 1758)) ye un abe chancluta d'a familia d'as ardeidas que bibe cheneralment en Europa e Asia, estando migradora en as rechions més friedas.
Ye un muixón bien gran, fendo cuan ye de piet d'entre 90 e 100cm d'altaria, e plegando t'es 2m d'amplaria d'alas cuan s'alza en buelo. O plomache ye griso per alto e blanco (u blanquinoso) per baixo. En es adultos, á més, a capeza se torna blanca deixando una carauteristica francha fosca lonchitudinal, que remata per zaga d'a capeza fendo dos chiquetas crestas no erectils de plomas finas. En o peito e espailas, una mena d'aniello de plomas liergas e sedosas penden á l'aire como sueltas, e si s'examinan detalladament, amuestran brilluras metalicas.
Como totas as ardeidas, as patas las tién liergas e grisas, e ro pico de color amariella u més naranchenca encluso que altras espezies, estando-ne ra color fosca d'a balba superior una carauteristica clau ta identificar es indibiduos inmaduros. O cuello ye liergo e con forma de S, e el mantién replegato á mientres buela.
Construye es niedos á l'alto d'arbols e cheneralment en colonias de dibersas parellas, cuasi nunca luén de l'augua. Ye un animal pescador, que captura peixes, ranas e altros chicoz bertebratos, esperando que istes paren quietos con gran pazienzia e alabez arrullando rapidament una picotada ta agafar-los.
[editar] Enrastres externos
Biquiespezies tien un articlo sopre Ardea cinerea.
Se beigan as imachens de Commons sobre a garra pescataire.- (en) Bideos de garras pescataires en o portal Internet Bird Collection
