Larrés

De Biquipedia

Larrés
{{{imachen}}}
Comunidat autonoma	Aragón
Probinzia	Uesca
Redolada	Alto Galligo
Codigo postal	22600
Monezipio	Samianigo
Superfizie	{{{superfizie}}} km²
Altaria	912 m.
Distanzia	60 km enta Uesca
Poblazión	62 ab. (1991)
{{{situazión}}}

Larrés ye un lugar d'a probinzia de Uesca situato en o monezipio de Samianigo, en a redolada de l'Alto Galligo.

Situato á 912 m d'altaria, chunto á lo río Aurín. Formato por dos carreras prenzipals e atras secundarias deribatas d'istas. Destacan entre os suyos edifizios a ilesia e o castiello en o cobalto d'o lugar.

Teneba á la fin d'o sieglo XV 25 fuegos e á meyatos d'o sieglo XIX 68 abitants d'os que en 1981 i quedaban 62.

Anque s'ha modernizato lo lugar encara bi ha buenas muestras de l'arquiteutura popular sarrablesa con as tipicas puertas e finestras adobelatas e as chamineras perinencas. Destacan entre atras casa El Maestro, Sanvicente, El Cirujano, Julián, Jaime e Andrés Tomás.

Manimenos o edifizio más important e talment más conoxito d'o lugar ye o suto castiello-palazio d'epoca baxomeyebal que estio restaurato por os "Amigos de Sarrablo" e que agora ye o "Museu de Debuxo". A importanzia d'iste castiello biene de que ye una d'as pocas edificazions esfensibas que se troban güé en a redolada. Tién dos torres e un patio interior con cuatro arcos.