Ipiés

De Biquipedia

Ipiés
{{{imachen}}}
Comunidat autonoma	Aragón
Probinzia	Uesca
Redolada	Alto Galligo
Codigo postal	22600
Monezipio	Samianigo
Superfizie	{{{superfizie}}} km²
Altaria	780 m.
Distanzia	42 km enta Uesca
Poblazión	2 ab. (1997)
{{{situazión}}}

Ipiés ye un lugar d'a probinzia de Uesca situato en o monezipio de Samianigo, en a redolada de l'Alto Galligo.

O lugar ye situato en a margin cucha d'o Galligo, arredol d'una carrera. A ilesia parroquial se i troba desalpartata en un tozal.

Á la fin d'o sieglo XV teneba 4 fuegos e a meyatos d'o sieglo XIX yeran 19 os abitats. Con a construzión en ista epoca de casa El Hostal en o puesto dito güé l'Ostal d'Ipiés a poblazión d'Ipiés baxo mientres d'o zaguer sieglo, tresladando-se a chent á lo nuebo lugar más amán d'a carretera. Asinas en 1981 ya yeran nomás 6 os abitants d'Ipiés contimparatos con os 38 de l'Ostal.

D'entre l'arquiteutura popular destaca casa Martín Pablo por a suya antigüidat e os elementos arquiteutonicos tradizionals que s'alzan en era. Asinas podemos alufrar a suya portalada adobelata e a finestra conopial suya. Aintro d'a casa pueden beyer-sen un polito patio, una solanera de fusta e un palomar, antimás d'as suyas puertas decoratas elementos masonicos. En a frontera norte puet beyer-se una finestra de 1591 con decorazión de rosas e zerclos.

Tamién ye intresant casa Hermenegildo con a suya portalada adobelata e decorata con as barras d'Aragón e a suya finestra de 1629.