Mitolochías perinencas
De Biquipedia
As mitolochías perinencas son o conchunto de mitolochías d'os pueblos que abitan en os Perinés.
Os mitos que trobamos en o País Basco, Nabarra, Aragón, Cataluña, Lenguadoc y Gascuña tienen elementos comuns por representar un aria natural que ha recibito as mismas influyenzias con importanzia desigual.
Bi ha diferens estratos: elementos preindoeuropeyos, elementos indoeuropeyos (en espezial zeltas), elementos romans, y elementos cristians.
Entre os elementos que destacan y se troban más estenditos tenemos:
- As dibinidaz de lacos, ríos u fuens, conoxitas por muitos nomes, como moras, pero en espezial lamias.
- O siñor de os bosques o Basajarau.
- Chigans, omes granizos, ogros, moros u chentils, que costruyen megalitos u biben en una montaña y fan que bi aiga tronadas.
- O Caballo Blanco u Zamaria Xuria: un caballo relazionato con os muertos.
- Mitos antigos relazionatos con l'onso.
- Simbols y amuletos protetors contra as bruxas y malos espritos: religadas, cardinchas.
- O cazataire maldito y os suyos cans.
A mitolochía perinenca se troba en grau más puro en as zonas bascofablans, pero os mesmos elementos gosan trobar-sen en atras zonas con menor intensidat. Tamién ye berdat que en o País Basco i ha habito una labor de replega más gran.
En as zagueras decadas s'ha descubierto que l'aria catalana alza relatos mitolochicos de follez y menutos, relazionatos con l'antigo consumo de o fongo Amanita muscaria, y que tienen paralelos en o zentro y norte d'Europa.
