Nobempopulania
De Biquipedia
Nobempopulania, Aquitania nobempopulana u Aquitania tertia yera una probinzia romana d'o Baxo imperio, situata en o territorio que correspondeba d'alto u baxo con l'autual Gascuña.
L'emperador Dioclezián reorganizó l'almenistrazión e debidió Aquitania en tres partis: Aquitania Prima (oriental), Aquitania Secunda (ozidental) e Nobempopulania.
Nobempopulania dependeba de a Diozesis de as Galias y a capital yera Eauze. Pa fer esta probinziá se tenió en cuenta criterios etnicos. Nobempopulania correspondeba d'alto u baxo con l'Aquitania prerromana e preneba o nome por os 9 pueblos u etnias prinzipals d'orichen aquitán, no zelta.
Os nueu pueblos a qui fa referenzia o nome son:
- Tarbelli: de a costa dende Lapurdi á Chalosse, arredol de Aquae Tarbellicae (Dax).
- Auscii: de o Gers y a ziudat d'Elimberrum (Auch).
- Biguerri: de Bigorra.
- Convenae: de Comenche, capital Lugdunum Convenarum, autual Saint-Bertrand-de-Comminges.
- Consorani: de Couserans (Saint-Lizier).
- Lactorates: de Lomagne.
- Elusates: de o baxo Armañac con capital en Elusa (Eauze).
- Valasataes, Vassei u Vocates: en o sureste de a Chironda u Bazadais, con capital en Cossium (Bazas).
- Boii u Boyates en o país de Buch, con a ziudat de Lamothe. Yeran galos danubians plegatos en o sieglo I aC y no aquitans.
Tamién bi eba atros pueblos aquitans menos importans.
Una estela conserbata en a ziudat d'Hasparren, zelebra a creación de a probinzia:
- Flamen item du(u)muir quaestor pagiq. magister
- Verus ad Augustum legato munere functus
- pro novem optinuit populis seiungere Gallos
- Urbe redux genio pagi hanc dedicat aram.
