Orden de Montesa
De Biquipedia
La Orden de Montesa estió una orden melitar establita en lo sieglo XIV por lo rei Chaime II d'Aragón, qui lis dió lo castiello de Montesa, situato en territorio balenziano. Mugaba con los sarrazens d'aquera parti e estió aprobata por lo papa Chuan XXII lo 10 de chunio de 1317.
Lo territorio controlato por la orden de Montesa en Castellón se conoxió más tarde como Maestrat, termino que no incluiba l'autual Mayestrazgo tergüelano.
La distribuzión de lo patrimonio de la nueba orden en la probinzia de Castellón yera:
- La Bailía de Zerbera u Mensa Maestral formata por San Mateu, Zerbera, Traiguera con Sant Jordi, Chert con la Barsella, Caneto, La Chana, Cálich e Rossell.
- La Comanda d'Alcalá formata por Alcalá d'Exibert e Santa Malena de Polpiz.
- La Comanda d'Aras.
- La Comanda de Benazal formata por Benazal e la Torre d'En Besora.
- La Comanda de Billafamez formata por Billafamez, Vall d'Alba e Sant Joan de Moró.
- La Comanda de Binaroz e Benicarló.
- La Comanda de Borriana.
- La Comanda Mayor de Las Cuebas formata por Las Cuebas d'Abinromán, Albocázar, La Salzediella, Térich, Billanueba d'Alcoleya, La Torre d'En Domènec e La Serratella.
- La Comanda de Cuellar formata por Cuéllar, Vistabella del Maestrat, Adzaneta, Benafigos e Vilar de Canes.
- La Comanda de Peniscola.
- La Comanda d'Onda formata por Onda, Tales e Artesa.
En la autual probinzia de Balenzia, las posesions de la Orden de Montesa estioron:
- Las Comandas de Montroig, de Perputxent (Beniarrés, Lorcha e Benillup), d'Ademuz (Castiel Fabib, Puebla de San Miguel, Vallanca e Ademuz) e la de Silla.
- Las bailías de Moncada (Borboyó, Carpesa, Massarochos e Moncada) e la de Sueca.
- Las billas de Montesa e Vallada.
[editar] Mayestres de la Orden
- Guillem d'Eril (1319-1319)
- Arnalt de Soler (1319-1327)
- Pere de Thous (1327-1374)
- Albert de Thous (1374-1382)
- Berenguer March (1382-1409)
- Romer de Corbera (1410-1445)
- Gilabert de Monsavin (1445-1453)
- Lluis Despuig (1453-1482)
- Felip Vivas de Cañamanes y Boll (1482-1484)
- Felip d'Aragón y Navarra (1484-1488)
- Felip Vivas de Cañamanes y Boll (1488-1492)
- Francesc Sanz (1493-1506)
- Francesc Bernardo Despuig (1506-1537)
- Francesc Llansol de Romaní (1537-1544)
- Pere Lluis Garcerán de Borja (1545-1587)
- Reis d'España (1587-...)
