Mayestrazgo

De Biquipedia

Iste articlo ye sobre a redolada aragonesa d'o Mayestrazgo. Ta atros emplegos se beiga Mayestrazgo (desambigazión).

Mayestrazgo


País	Aragón
Comunidat autonoma	{{{ccaa}}}
Probinzia	Tergüel
Capital	Cantabiella
Mayor poblazión	{{{mayor_poblazión}}}
Monezipios	15
Superfizie	1.204,3 km²
Poblazión Densidat	3.700 ab. 3,07 ab./km²
Pachina web	Pachina ofizial

Mayestrazgo ye una redolada aragonesa situata en a probinzia de Tergüel. Muga á lo norte con o Baxo Aragón, á l'ueste con Andorra-Sierra d'Arcos, Cuencas Mineras e Comunidat de Tergüel, á lo sur con Gúdar-Chabalambre y á l'este con a probinzia de Castillón.

Ye una redolada artifizial que responde un poquet a criterios istoricos, pero no a cheograficos, Castellot tiene más relazión y millor comunicazión con Alcorisa y Calanda que con Cantabiella (capital d'a redolada), con muitos menos abitans. Mesmo lo nome Maestrazgo ye discutible.

[editar] Istoria

Os lugars d'o Mayestrazgo fuoron por un regular lugars baxo a churisdizión d'ordens militars, primero d'os Templers y, dimpues d'a suya disoluzión, os Espitalers. Sin d'embargo Aliaga, que teneba encomienda espitalera s'ha aliniato con as Cuencas Mineras en a comarcalizazión autual; Allepuz yera de a Comunidat de Tergüel meyebal y Mirabet de la Sierra pendeba de l'arzebispe de Zaragoza.

En os sieglos XVIII y prinzipios de o sieglo XIX o Mayestrazgo de Tergüel se clamaba Las Baylías, fendo referenzia a as tres bailías u encomiendas de os espitalers: Aliaga, Castellot y Cantabiella. En o sieglo XIX estió un importán foco carlista, foco que teneba continazión territorial con a redolada de Castellón clamata Maestrat y con os Puertos de Bezeit.

[editar] Nome

O nome Maestrazgo (Maestrat en catalán) que ya s'emplegaba pa o norte de Castellón comenzó a emplegar-se pa denominar zonas de Tergüel cuan os carlistas dirichitos por Cabrera se fazioron fuertes en un enclau montañoso entre Tergüel, Castellón y Tarragona, con capital en Cantabiella y dimpués Moriella. O nome Maestrazgo / Maestrat ha continato tenendo aplicazión pa tierras teruelanas y castellonencas en o sieglo XX como termino de promozión toristica Mancomunidad turística del Maestrazgo, y s'emplega güei pa clamar a esta redolada.

Monezipios d'a redolada Mayestrazgo
Allepuz \| Billarluengo \| Billarroya de los Pinars \| Bordón \| Cañada de Benatanduz \| Cantabiella \| Castellot \| Fortanet \| La Iglesuela \| Mirambel \| Mirabet de la Sierra \| Molins \| La Cuba \| Pitarc \| Tronchón