Señes

De Biquipedia

Señes
Una casa caíta, de l'espoblato de Señes.
Comunidat autonoma	Aragón
Probinzia	Uesca
Redolada	Sobrarbe
Codigo postal	22367
Monezipio	Plan
Altaria	1365 m.
Distanzia	160 km enta Uesca 40 km enta l'Aínsa 15 km enta Plan
Poblazión	Sines d'abitants. (2005)

Esta fuella ye escrita n'el parlar de La Comuna.

Señes (Senyes en Grafía SLA, ofizialment e en castellano Señes) ye un espoblato de la bal de La Comuna, per alto de Sin e de Serbeto, que en descomponer-se este monezipio l'encluyoren á'l dela billa dela bal bezina de Plan. El lugar de Señes se conserba encara drecho, anque l'esfuerzo ta que s'aiga aguantato el fayoren más que más es bezinos d'antes que tenioren que emigrar pero que son estato puyando-ie un año e l'atro toz estes tiempos, ta mantener e tamién ta arreglar-se las pocas casas que el componen.

Ta oi mos n'han llegau caítas bien pocas casas. l'Abadía, que ye como á toz es lugars de Sobrarbe como en deziban dela casa d'el mosén, ye bien malmetida, e tammién la il·lésia que ye zerrada de ya en abe buenos años.

La pista que bi endrecha ye un alcurze que manize d'á baixo, d'á'n que la carretera de Serbeto, bels 700 m d'antes d'este lugar cuan se-hi ba dende Sin, e alabez puya per las faixas que bien antes yeran de cultibo, e se mete, tot de tierra, t'alto t'á'n que se comienzan á biyer las casas de Señes. No en hai mica de turismo que puye enta'l lugar, perque l'azeso ye bien furo sines 4x4.

[editar] Enrastres externos

• Se beyan las imachens de Commons sobre Señes.
• (an) Estadisticas d'el nuclio n'el portal AragonEsAsi.com
• (es) Informazión n'el portal LosPirineos.info