Segorb

De Biquipedia

Segorb
Nombre ofizial	{{{nombre_ofizial}}}
Estato	España
Comunidat autonoma	[[{{{comunidá}}}]]
Comunidat autonoma	País Balenzián
Probinzia	Castellón
Probinzia	[[probinzia d'{{{probinziad}}}|{{{probinziad}}}]]
Redolada	Alto Palanzia
Monezipio	{{{monezipio}}}
Codigo postal	12400
Superfizie	106,10 km²
Altaria	358 m.
Distanzia	65 km á Castellón de la Plana
Poblazión	8730 ab. (2006)
Chentilizio	{{{chentilizio}}}
Ríos	{{{ríos}}}
Pachina web	www.segorbe.org

Segorb (Segorbe en castellán, Sogorb en catalán) ye un monezipio d'a probinzia de Castellón, situato en a redolada de l' Alto Palanzia. A suya poblazión ye de 8730 abitans (2006), en una superfizie de 106,10 km² con una densidat de 82,28 ab/km².

Contenius 1 Cheografía 2 Charrar 3 Nome 4 Curiosidaz

[editar] Cheografía

Ye situato sopre dos cabezos d'a marguin d'o río Palanzia.

[editar] Charrar

Se i charra castellán churro con seseyo d'orichen balenzián.

[editar] Nome

S'ha creyito que o nome se remontaba á lo zeltiberico Segobriga, pero agora se considera que ye d'orichen latín y que tién relazión con urbs, urbis, sub urbem.

En a documentazión arabe s'emplegaban deribatos d'a radiz suburb. En un testo de 1122-1124 de cuan Alifonso I lo Batallero s'escribe Xeborc, con una X por estar preso a trabiés de l'arabe:

• Ad honorem autem Dei et sancte militie sustentationem, dedit rex medietatem redituum ipsius civitatis, et medietatem medietatis sue Xeborc, et de Biniol, et de Conca, et de Molina, et de Burbaca, et de portu de Caramana

En aragonés meyebal s'escribia á begatas Sogorb y á begatas Segorb. Tamién en a documentazión bi eba dandaleyo entre a forma con O, Sogorbio, y formas con E. L'alternanzia de E y O ye normal en aragonés (Somontano y Semontano), pero emplegar a forma con E yera una forma de fer o toponimo más parexito a Segobriga. En a documentazión eclesiastica se manipulaban tamién as consonans en un sentito u atro: en a Catedral de Balenzia, on no se quereba que Segorb pasase á depender d'o bispato de Toledo s'escribe segorbicense, pero atros escriben segobricense.

[editar] Curiosidaz

A falsa identificazión de l'antiga Segobriga con l'autual Segorb s'orichina en a Edat Meya, por os intereses que teneba a Seu bispal de Toledo sopre lo bispato d'Albarrazín. A Segobriga bisigota pertenexeba á la diozesis de Toledo, pero al desaparixer con enchaquia d'a dominazión musulmana se perdió o conoximiento d'on yera. En o sieglo XIV Toledo quereba incorportar Albarrazín á la churisdizión suya, y identificar Segobriga con Segorb, más á l'este d'Albarrazín, lechitimaba as suyas pretensions. Güei se sape que l'antiga Segobriga ye l'autual Saelices en a probinzia de Cuenca.