Sierra de Chabalambre

De Biquipedia

Iste articlo ye sobre la Sierra de Chabalambre. Ta atros emplegos se beiga Chabalambre.

La Sierra de Chabalambre (Sierra de Javalambre en grafía SLA) ye un mazizo montañoso de la probinzia de Tergüel e lo País Balenzián, dentro de la parte sur de las redoladas de Gúdar-Chabalambre y Los Serrans. Ye uno de los macizos u conchuntos de sierras més grans de lo Sistema Iberico.

Lo macizo montañoso, on predominan los materials de la Era Secundaria (sopre tot rocas calcarias e archilas), s'alza dica los 2020 metros sopre lo nivel de la mar, formando una gran cupula u domo. Ye entre las cuencas de los ríos Millars y Blanco. I Naxen cuatro ríos: Camarena, Riodeba e Arcos, afluens de lo río Blanco, e lo río Albentosa afluent de lo Millars.

[editar] Clima

El clima es muy estremato, estando carauterizato por ibiernos muito fridos e beranos suabes. Las prezipitazions no son guaire abundans e lo que si son ye irregulares, estando entre los 400 mm en las bals e los 700 mm en las zonas altas.

[editar] Ecosistema

La bechetazión presenta una gran bariedat e orichinalidat. En las bals e costeras bi ha pinetas de Pin royo e Pin negral, sabinars de sabina albar, caxicars e carrascals. En las zonas més altas lo més carauteristico ye la Pineta de Pin royo con chaparra (Juniperus sabina), que encara que no ye esclusibo (bi n'ha tamién en Cantabiella u en la Sierra d'Albarrazín), ye on millor conserbato ye. La Pineta con chaparra forman un paisache que fa recordar a piel de pantera e ye on se troban bels endemismos botanicos como Oxytropis jabalambrensis e Sideritis jabalambrensis, a més de atras muitass espezies raras e de gran valura biocheografica.

De la suya riqueza en animals pueden destacar-se mamifers como lo chabalín, la raposa, la liepre e lo conello, muitas rapazes diurnas e noturnas, perdiz, paxaros forestals e gran bariedat de reptils, anfibios e inseutos.

La Sierra de Chabalambre tién unas notables baluras naturals e paisachisticas que, no tienen encara una protezion adecuada encara que ye incluita en lo rete europeu Natura 2000 e estar Lugar d'Intrés Comunitario (LIC). Totas estas baluras naturals no ha impedito que se i faigan unas pistas d'esquí que cheneroron gran polemica.

[editar] Nome

Ye d'orichen arabe. En lo mundo arabe bi ha por lo menos atros dos toponimos con egual etimolochía: un Jabal Amr en lo Yemen e atro en Chordania. En arabe Djabal sennifica montaña, palabra que trobamos tamién en Chabalín, arabismo que sustituyó a l'aragonés meyebal Puerco montés. Lo segundo component parixe estar l'antroponimo arabe Amr, on a b epentica s'esplica egual que en o caso de l'aragonés cambra, deribato de lo latín CAMERA, que ha esdebenito asinas porque lo grupo -mr- no yera corrient en romanze:

• CAMERA >*Camra > cambra.

A -e final s'esplica por estar mbr un grupo consonantico implosibo que nezesita bocal final d'apoyo como en diaple u pebre.

En as referenzias documentals á esta sierra, en latín u catalán, s'escribiba Jabalambre, asinas por exemplo cuan en 1266 Chaime I d'Aragón mandó que no se fesen nuebas poblazions en un important terreno de lo termin de la Comunidat de Tergüel e que ixe terreno estase pa que lo bestiar pasturase:

• prout dividit terminus de Sarrione, nec in tota serra de Javalambre prout aque vertuntur usque ad flumine de monte de las Eras, nec usque ad summum vallis de la Casa

Chaime I tamién tién en cuenta Chabalambre pa fer la muga de lo reino de Balenzia cuan s'escribioron los Fueros de Balenzia:

• E de Móra, axí com va a la Font de la Babor, e axí com va el riu d'Alventosa, e ix a la Maçanera, però dellà el riu és d'Aragó, e del riu ençà és del regne de València. E axí com va a la serra de Javalambre; e de la serra de Javalambre axí com ix a Castel Phabib e a Ademuç, e aquests dos castels són del regne de València.

Cuan lo castellán sustituyó á l'aragonés se castellanizó como Xavalambre (dica lo sieglo XVII no esistiba la J belar autual). Encara á finals de lo sieglo XVIII s'escribiba Xavalambre, por exemplo en 1788 en lo libro Viage de España: en que se dan noticias de las cosas más apreciables y dignas:

• A la vista de este camino quedan dos altas, y largas serranías: la una se llama de Xavalambre, que es la de mano derecha, y en la otra hay un altísimo cerro, que se llama Peña Golosa.

Tamién Ignacio de Asso escribiba Xabalambre en Historia de la Economía Política de Aragón en 1798:

• Caminando ácia el sud se descubren las altas sierras de Camarena, y Xabalambre de peña caliza, donde ví por primera vez la Primula Vitaliana, y desde allí se vá descendiendo hasta Riodeva último pueblo de Aragón, en cuyo término hai abundantes minas de azufre, siendo la más curiosa de todas la que está en un cerro de yeso, donde se ve el azufre incorporado en unas tongadas horizontales de marga, que alterna con la arcilla, y espejuelo.