Taifa de Tortosa
De Biquipedia
A taifa de Tortosa se creyó dimpués de desaparixer o Califato de Cordoba, anque Tortosa eba estato ocupata por os musulmans ya en 714.
En primeras o poder d'a taifa yera en mans de Labib Al'Amiri Al-Fatá, d'o clan amirita. En 1061 pasó a depender d'Al-Muqtadir Ibn Hud d'a taifa de Saraqusta e dimpués d'Al-Mundir Imad Al-Dawla, emir d'a Taifa de Xatiba.
Con o cambeo de sieglo la ocuporon os Almorabez, en o mesmo prozeso que seguindo a caita de Balenzia sennificó a ocupazión d'as Taifas d'Alpuent, Albarrazín y Zaragoza. Alifonso I lo Batallero teneba o proyeuto de conquerir Lerida y Tortosa, y eba ocupato Horta de Sant Joan con esta intenzión manifiesta, pero murió en 1134 dimpués que lo derrotasen en Fraga en una contraofensiba almorabet.
En 1148, Remón Belenguer IV, conte de Barcelona conquirió Tortosa, con lo que s'incorpora á la Corona d'Aragón.
