Tarba
De Biquipedia
|
Tarba |
|
|---|---|
 |
|
 Ilesia de Santa Tresa |
|
| Toponimo ofizial | Tarbes |
| Estato | Franzia  |
| Rechión | Meyodiya-Perinés |
| Departamento | Altos Perinés (prefeutura) |
| Destrito | Arrondissement de Tarba (capital) |
| Cantón | Capital de 5 cantons |
| Alcalde | Gérard Trémège, 2001-2008 |
| Mancomunidat | Communauté d'agglomération du Grand Tarbes |
| Latitú Lonchitú |
|
| Altaria meyana | 304 m (min. 284 m, max. 326 m) |
| Superfizie | 15,33 km² |
| Poblazión | 46.275 ab. (1999) |
| Densidá | 3019 ab./km² |
| Codigo INSEE | 65440 |
| Codigo postal | 65000 |
 |
|
Tarba (Tarba [ˈtaɾβɔ] en oczitán; Tarbes en franzés) ye una ziudá d'o departamento franzés d'os Altos Perinés, capital de subprefeutura y de cantón, asinas como d'a probinzia istorica de Bigorra. Tién poco más de 50.000 abitans y se i troba situata á 320 metros sobre o ran d'a mar. Destaca en ella o edificio molimental d'a catedral u seo d'A Nuestra Señora. Poseye un gran parque clamato Chardín Massey, asinas como atros menors (Parque Paul Chastelain, Parque Bel Air), una fuen molimental en a plaza d'o Marcadieu y una estatua ecuestre adedicata á lo Mairal Foch.
Billa establita en o sieglo III adC, se combirtió en colonia romana baxo lo nombre de Tarba. Asolata por os normandos en 840, estió reconstruyita por o Bispe de Bigorra u Tarba. Dende o sieglo XII estió capital condal y más tardi capital de senescalía. En a Edá Meya yera formata por seis bicos: a Seu, Carrera Llarga, Mauburguet, Burg Vell, Burg Nou y Burg Cranc. En 1569 a suya seo estió inzendiata por os protestans pero lo Bispe a fazió reconstruyir en 1652. En 1790 se combirtió en capital departamental. En Tarbes naxió en 1851 o mairal Foch, comandán d'os exerzitos aliatos en a Primera Guerra Mundial.
[editar] Nome
A forma aragonesa d'iste toponimo oczitán se troba en a onomastica aragonesa meyebal, Calle del Forno de Tarba en a Zaragoza d'o sieglo XV, y en antroponimos como Galacián de Tarba, Don Ramón de Tarba.
