Ucraína

Ucraína ye un país situato en l'este de Europa, que muga con o Mar Negro á lo sur, a Federazión Rusa á l'este, Belarrusia á lo norte y Polonia, Eslobaquia, Ongría, Rumanía y Moldabia á l'ueste.

[editar] Istoria d'Ucraína

Cuan entramos en a istoria, os primers pobladors bien conoxitos son os eszitas. Herodoto escribió sopre ellos en o sieglo V; seguntes tradizions locals replecatas por él os eszitas eban feito fuera á os Zimerios que i bibiban enantes, y que se'n fuoron ta Anatolia.

Os eszitas fuoron empentatos por os sarmatas, tamién iranios, ya á prinzipios de o sieglo IV aC. Os zaguers eszitas formarán reinos residuals en Crimea y Dobrucha (Scitia Minor de os romans).

Os Gotos s'establezioron en a zona a prenzipios de o sieglo III, entre diferens pueblos resultato de o trestallamiento tribal sarmata: alans, roxolans, chazigues, sirazes, aorsos. Os gotos de l'autual Ucraina esdebenioron ostrogotos u gotos de l'este, á diferenzia de os gotos de l'uest u bisigotos, en l'autual Rumanía.

D'alto u baxo en 374, os huns entroron en o territorio alán. Os alans se dibidioron en diferens brancas y emigroron con os huns u fuyindo de os huns. Os huns cambeoron a estrutura etnica. Tot y que yeran una orda de muitos pueblos, n'i eba muitos que yeran de a familia turquesa. Os eslabos de o norte d'Ucraína empezipioron lurs migrazións con os mobimientos de poblazión d'ista epoca.

Dimpués de a derrota d'Atila quedan ostrogotos en Crimea, y alans entre o Kubán y o Caucaso. En Moldabia y zonas forestals de o norte y este d'Ucraína bi ha pueblos eslabos como os antos. A istoria posterior d'Ucraína será una istoria de luita entre pueblos sedentarios eslabos contra imbasors turqueses nomadas que i entran periodicamén.

Maidan Nezalezhnosti en Kiev

En o terreno estepario de o sur, zentro y l'este d'Ucranía os repuis de pueblos iranios s'asimilan con os pueblos turqueses nomadas pa formar una nueba identidat etnica: os (proto)bulgars. Bi'n ha chazimientos entre finals de o sieglo VI y prinzipios de o sieglo VIII.

Entre finals de o sieglo VII y prinzipios de o sieglo VIII aparixe atro pueblo turqués en Ucraína, os chazaros]], que arqueolochicamén corresponden con a cultura de Salkov. Os Ongars, un pueblo basallo de os chazaros ocupó Ucraína ozidental y Moldabia.

L'imperio chazaro teneba una clase dirichén diferén a atros pueblos turqueses. Fomentó a sedentarizazión de o suyo pueblo, a fundazión de ziudaz, o comerzio; teneban abilidat diplomatica y se combitión á o chudaísmo. Dimpués de conoxer una prosperidat comerzial desaparixió por a presión conchunta de os pechenegos, que imbadiban dende l'este y os eslabos orientals, que imbadiban dende o norte y l'oeste, on bi eba prenzipatos poderosos como o Prenzipato de Kiev.

Os pechenegos empentoron á os ongars ta Panonia, l'autual Ongría, y s'establezioron en Ucraína ozidental. Os mesmos pechenegos yeran empetantatos por atro pueblo turqués, os Uzos, y os Uzos por os Kipchaks. Istos pueblos turqueses farán siempre una falca entre os eslabos orientals y os griecos bizantins.

O reino Kipchak desaparexerá en o sieglo XIII por a conquista mongola. Se formará o khanato de a orda d'oro por trestallamiento de l'imperio mongol. Os mongols asimilatos á os turqueses kipchak debenirán tartars, y prenerán a relichión musulmana.

Os balacos de Moldabia, os polacos y os lituans irán conquerindo tierras á os tartars cuan estos entren en decadenzia. Os polacos dixarán que a zona de o río Dnieper siga poblata por chen de defienda a muga, con pribilechios á cambeo de os suyos serbizios militars, como en as mugas con os moros en Castiella y Aragón en a Edat Meya. Allora aparixe a palabra Ucraína, que en eslabo sennifica muga, güega, á o mesmo estilo que en Castiella u Aragón as zonas guegals con os moros se clamaban Estremaduras. Ista poblazión, con elementos tartars, pero de predominanzia eslaba debenirán os cosacos zaporogos, que a diferenzia de os cosacos de o Don, charraban ucrainés y no ruso.

En os millors tiempos de a Unión Polaco-Lituana ye cuan se produxe a deseparazión de os tres grans pueblos eslabos orientals. Os rusos son fuera d'ista unión y tienen una istoria y tradizión politica diferén. En 1569 se produxe a deseparazión entre ucrainenses y bielorrusos, cuan os primers pasan á depender de Polonia y os segundos siguen dependendo de Lituania. Os bielorrusos leban asoziatos con os lituans más de dos sieglos.

En o sieglo XVII os cosacos se rebelan y empezipia un periodo en que a influenzia rusa ye cada begata más gran. Con o tiempo o territorio ucranián s'anexionará a l'Imperio Ruso.

	Ex Unión de Republicas Sozialistas Sobieticas (URSS)
	Armenia \| Azerbaichán \| Belarrusia \| Cheorchia \| Estonia \| Kasajstán \| Kirguisistán \| Letonia \| Lituania \| Moldabia \| Rusia \| Tachiquistán \| Turkmenistán \| Ucraína \| Usbekistán

	Comunidat d'Estatos Independients (CEI)
	Armenia \| Azerbaichán \| Belarrusia \| Cheorchia \| Kasajstán \| Kirguisistán \| Moldabia \| Rusia \| Tachiquistán \| Turkmenistán \| Ucraína \| Usbekistán

Estatos d'Europa

Categorías: Estatos d'Europa | Estatos | Ucraína

Ucraína

De Biquipedia

[editar] Istoria d'Ucraína

Views

Nabego

Mirar

En atras luengas