Zafrán
De Biquipedia
| Crocus sativus | ||||||||||||||||
|---|---|---|---|---|---|---|---|---|---|---|---|---|---|---|---|---|
 Zafrán (Crocus sativus). |
||||||||||||||||
| Clasificazión zentifica | ||||||||||||||||
|
||||||||||||||||
| Nomenclatura binomial | ||||||||||||||||
| ''Crocus sativus'' | ||||||||||||||||
| L. |
Lo zafrán ye una espezia deribata de la flor de la planta de lo mesmo nombre (Crocus sativus), una espezie de lo chenero Crocus drentro de la familia Iridaceae.
Lo zafrán se caracteriza por o suyo sabor amargo e lo suyo aroma; estos probienen de los suyos componens quemicos picrocrocin y safranal. Tamién contién un tinte de tipo carotenoide clamato crozin, que da a lo minchar un color amariello dorato. Esto fa de lo zafrán un component apreziato en muitos platos en tot lo mundo. En España s'emplega como component indispensable de la paellas, tamién s'emplega en la confezión de arrozes, carnes e mariscos. Lo zafrán tién tamién aplicazions en merezina. Lo zafrán plega ta prés altos porque lo suyo cautibo, recolezión e manipulazión ye muito delicato. Por la suya alta balura economica s'ha denominato oro royo e ha estato obcheto de muitas adulterazions e falsificazions aprobeitando lo suyo nome e balura.
Lo zafrán costituito por los estigmas, chunitos u no a lo estilo de la flor de lo Crocus sativus Lin., ye una espezia cuyo mercato mundial ha estato y ye liderata por España no nomás á nibel de produzión, también á nibel d'esportazión.
Contenius |
[editar] Istoria
[editar] Etimología
Lo nome ye prou parexito en muitas luengas, e un posible orichen ye lo franzés antigo safran, que deriba de lo latín safranum.
[editar] Orígenes
Esisten referenzias de lo zafrán que datan de l'año 2300 aC. Á partir d'esta fecha son bariatas e diferens las referenzias sopre lo suyo uso en ritos e zerimonias relichiosas, en merezina, en la gastronomía, etz.
Segunt las investigazions de los echiptologos, ya s'usaba muito en l'antigo Echipto. En los Cantos de Salomón se menzionaba ya lo nome de Karkom, como uno de los produtos más afalagatos de lo reino bechetal. Con esta palabra, procedente talment de la India, ye relazionato lo nombre griego Krokos e lo latín Crocum (Crocus de los poetas).
En la literatura grieca e romana se zita á sobent, e lo que se'n diz contrimuestra l'important papel que la color e la olor de lo zafrán tenioron en la bida refinata de la antigüedat clasica. S'ha usato a sobent como tinte (colorant). Se teñiban con zafrán los bestitos de fiesta e s'estendeba zafrán por lo suelo de las salas on se zelebraban festins e se replenaban con zafrán los coxins.
Una definitiba identificazión de lo zafrán data de 1.700-1.600 aC en una pintura en lo palazio de Minos en Knossos, en Creta. Atro fresco data de 1.500 aC e presenta a una choven cullindo zafrán zeremoniosament, s'ha descubierto fa poco en Akrotiri en la isla de Thera. Lo zafrán se culle picando la flor entera en Minos mientres que las chobenas de Tera picán nomás que los estigmas dreitament.
Més tarde lo zafrán ye mencionato en la Biblia, en la Ilíada e en lo sieglo V aC en lo rechistro Kashonini. En lo sieglo IV aC la prenzipal aria de cautivo yera en Corycos en Zilicia, en las costas mediterranias de Turquía y en Anglaterra.
En Echipto sobre lo 1000 aC lo zafrán podió estar usato en embalsamientos u més tarde de cuan en cuan pa colorant de mortallas on las momias yeran cubiertas, amariello las femellas y royo los masclos. Lo zafrán yera un important colorant en la Grezia antiga e en Roma yera usato para coloreyar la ropa de matrimonio. En atro tiempo los romans lo usoron como tintes para lo pelo.
Los griecos lo consideraban como un perfume sensual. S'estendeba en los bestibulos, patios, e teyatros griegos e en baños romans; ruxioron las carreras de Roma con un zafrán cuan Nerón entró en la ziudat.
Lo zafrán tenió muita importanzia en lo comerzio. Comercialment contina estando un articlo important (espezialment en España). En la Edat Meya lo prenzipal zentro de comercio de lo zafrán yera Benezia e los compradors prencipals yeran los alemans. Triballadors espeziales que formaban parte de l'Ufficio dello Zafferano e iban armatos, s'encargaban de la inspezión de los comerzians de zafrán e d'ebitar que lo falsificasen. La importanzia de lo comerzio de lo zafrán en Alemaña se deduze ya de lo feito que en 1448 se rechistró en Berona una partita de zafrán destinata a Alemaña evaluata en 10.000 ducatos.
En Anglaterra lo zafrán se negoziaba en otubre. La tentazión comercial parix tener superatos los escruplos de bels comercians y yera conoxita l'adulterazión, no se sape si por la fibra de carne de caballo, con trozos de pelleta de zebolla u tiza coloreata; las penas con culpabilidat yeran seberas.
[editar] Cautibo
Lo cautibo de lo zafrán parix aber-se estendito dende Orient ta Ozident. Teofrasto considera muito güeno lo zafrán de Zirene e superior a lo de Grezia.
Birchilio canta á lo zafrán de los mons de Tmolus de Lidia, Barron, Dioscorides. Columella e Plinio zitan atras zonas, especialment d'Asia Menor, que proporzionaban lo millor zafrán.
A meyatos de lo sieglo X se cautiba esta planta en España, on probablement la introduzioron los arabes. Lo consumo de lo zafrán aumentó continuament en la Edat Meya estendéndo-se a por la Europa cristiana dica Anglaterra.
Güei lo zafrán se cautiba en tot l'Orient, en los países de la Europa de lo Sur, en Suiza, en lo Tirol, en la baxa Austria, en Anglaterra e en Pensilvania.
En Franzia contina güei tenendo importanzia este cautibo en lo Loiret, estando Pithiviers un gran zentro de lo comerzio de zafrán. Antigament lo comerzio de lo zafrán lo lebaban mercaders de las ziudaz meyebals, que realizaban estas trasazions en las ferias anuals de las redoladas zafraneras e en los mercatos urbans. Tamién lo lebaban las botigas d'espeziería más u menos a man d'ixos. Las botigas gosaban estar agrupatas en antigos bicos gremials de la poblazión.
[editar] Cautibo en Aragón
En la Baxa Edat Meya se cautibaba dende Daroca dica lo Matarraña, on yeran presens comerzians alemans que lo compraban. Se pagaba á lo peso més caro que l'oro. La riqueza monumental de lo Baxo Aragón en arte gotico s'esplica por este feito.
En Aragón lo cautibo de lo zafrán tenió una gran importanzia en los sieglos XVI y XVII. S'estendeba por amplas zonas de lo reino: enta lo norte la muga se trobaba en lo semontano perinenco e los pueblos de la Ribera de la Zinca tamién conoxioron lo suyo cautibo, estando Balbastro lo nuclio on se comerzializaba la produzión.
En bels lugars de los Monegros teneba gran importanzia, dica lo punto d'estar lo más recurso més important. Cock, un biachero que recorreba las tierras aragonesas a finals de lo sieglo XVI, comentaba que los bezins de los pueblos monegrinos minchaban zafrán en gran cantidat e que este yera lur prinzipal meyo de bida.
Tamién se cautibaba en tot lo norte de Tergüel, ocupando grans estensions de terreno en Monfort, Güesa, Mon Reyal y sierras montalbinas.
Lo zafrán yera uno de los produtos que més importanzia eba tenito en las esportazions, encara que como consecuenzia d'una serie de falsificaziones, en la Edat Moderna perdió importanzia en lo mercato franzés, que en bels sieglos anteriors eba estato uno de los prenzipals clients d'este produto. Uno de los meyos proposatos en lo sieglo XVII por l'arbitrista aragonés Antonio Cubero pa rebiscolar lo comercio de lo zafrán estió la esportación ta America, on se cotizaba a pres muito altos. Lo que se proposó no se fazió e l'aria de cautibo de lo zafrán se fazió cada begata menor.
