Matarraña

De Biquipedia

Matarraña Matarranya
País	Aragón
Comunidat autonoma	{{{ccaa}}}
Probinzia	Tergüel
Capital	Balderrobres y Calazeit
Mayor poblazión	{{{mayor_poblazión}}}
Monezipios	18
Superfizie	933 km²
Poblazión Densidat	8.682 ab.  (2005) 9,31 ab./km²
Pachina web	Pachina ofizial

A redolada d'o Matarraña (en catalán Matarranya) ye una redolada aragonesa d'a Francha de Lebán, en a probinzia de Tergüel. Muga á lo norte con o Baxo Aragón-Casp, á l'este con Tarragona, á lo sur con Castillón y á l'ueste con o Baxo Aragón. La forman 18 monezipios y lo despoblato de Mas de Llaurador.

[editar] Charrar

Fueras de Balchunquera, que ye con os charrars de o Guadalop-Mezquín y La Fraxneda, os charrars de o Matarraña gosan estar prou omochenios y pertenexen á lo sozdialeto tortosín chunto con o que se charra en o Baxo Ebro, Tierra Alta y Los Puertos de Moriella.

[editar] Istoria

Bi abió una prebatina de reconquista con Alifonso I lo Batallero, que plegó ta Orta, pero dimpués os cristians rebloron y os musulmans recuperoron a redolada. A reconquista finitiba se produzió á finals d'o sieglo XII con Alifonso II lo Casto. Dimpués d'a reconquista gran parte d'a redolada fue zedita a l'orden de Calatraba. O 24 de chulio de 1175, lo Casto deseparó un territorio conzedito teoricamén á os calatrabos en 1157: Mazalión y a Peña d'Aznar Lagaña. A Peña d'Aznar Lagaña yera una tenenzia con as localidaz de Mezquín y Foz Espalda y con capital en Balderrobres. Mazalión y la Peña d'Aznar Lagaña pasan á depender d'o Bispe de Zaragoza. Os templers tamién i teneban representazión, pero as mugas entre as dos ordens no yeran fixas á lo prenzipio, porque feban cambeos de tierras y lugars.

Seguntes Carlos Laliena os musulmans fuoron acotolatos u espulsatos en a guerra de reconquista y a comarca yera bueita. A repoblazión estió de mayoría catalana y probeniba d'o campo de Lerida. O resultato estió que encara güei se charre catalán ozidental, como en Lerida, Tortosa y Castellón. Esisten testos de pagos de indemnizazions á o bispe de Lerida por os diezmos y primizias que os repobladors dixan de pagar. Pa atrayer á os repobladors lis daron pribilechios y lis fazioron pagar impuestos menors, a bida yera más periglosa porque yera una tierra de muga: Os autuals Puertos de Moriella yeran plenos de moros fuyitos de Lerida, que podeban fer incursions en territorio cristián. Entre os pobladors a más de catalans, bi eba oczitans(Bretó, Gascón, Vidal) y, seguindo o camín natural d'a depresión de l'Ebro, castellans (Molina, Soriano) y aragoneses (Robres, Fonz). Os pobladors no s'establioron con fuerza dica o zaguer cuarto de o sieglo XIII.

Cuan Blasco d'Alagón conquerió Moriella, reinando Chaime I, o Matarraña dixó d'estar tierra de muga con os moros. En os repartos d'a Corona de Aragón que feba Chaime I, o Matarraña y a Tierra Alta feguraban en Aragón; años dimpués d'a muerte de Chaime I a muga local finitiba entre Cataluña y Aragón se fazió en o río Algars tenendo en cuenta a muga finitiba entre Calatrabos, en a marguin cucha de L'Algars y os Templers, en a marguin dreita.

Redoladas d'Aragón

Alto Galligo · Andorra-Sierra d'Arcos · Aranda · Baldexalón · Baxo Aragón · Baxo Aragón-Casp · Campo de Belchit · Campo de Borcha · Campo de Cariñena · Campo de Daroca · Chazetania · Comunidat de Calatayú · Comunidat de Tergüel · Cuencas Mineras · Gúdar-Chabalambre · A Litera · Mayestrazgo · Martín Baxo · Matarraña · Monegros · Plana de Uesca · Ribagorza · Ribera Alta de l'Ebro · Ribera Baxa de l'Ebro · Sierra d'Albarrazín · Sobrarbe · Semontano de Balbastro · Tarazona e lo Moncayo · Xiloca · Zaragoza · Zinca Baxa · Zinca Meya · Zinco Billas