Zoroastro

De Biquipedia

Parti de L'Academia d'Atenas, de Rafael (1510). O personache con a esfera estrelada en a mán s'ha identificato como Zaratustra, anque tamién se diz que poderba representar á lo cheografo Estrabón

Zoroastro (d'o grieco Ζωροάστρης, Zōroastrēs) u Zaratustra (de l'abestico Zaraθuštra), estió un profeta (mantran) fundador d'a relichión dita Zoroastrismo

Se considera un personache istorico pero no se conoxe con zerteza ni o puesto de naximiento ni a epoca en que bibió. Basando-se en analisis lingüisticos d'o libro d'innos Gathas, parti de l'Abesta, en a redazión d'os cualos se considera que interbenió personalment, se creye que bibió bels 1000 años aC.

Tot lo que se conoxe de Zoroastro probiene d'o libro relichioso d'o Zoroastrismo, l'Abesta, u d'a tradizión oral. Respeuto á lo puesto á on naxió poderba estar o noreste d'Irán u Bactra, güé Balkh, en Afganistán.

Fillo d'o mosén Porushaspa, cuan Zoroastro teneba 20 años abió una esperenzia relichiosa en a cuala le se aparexió lo Siñor d'a sabiduría e dibinidat d'o bien Ahura Mazda (u Ormudz), que le transmitió a orden de luitar contra o prenzipe d'o mal, Ahriman.