بن سواده
من ويكيبيديا، الموسوعة الحرة
 |
هذه المقالة وسمت عن طريق بوت آلي، يعتقد بأن هذه الصفحة لا تحتوي روابط داخلية و/أو غير منسقة و/أو تصنيف مناسب. يمكنك مساعدة ويكيبيديا عبر تصنيف وتنسيق وفتح نهاية هذه الصفحة. وسمت هذه المقالة منذ : يناير 2008 |
هذه القصيده من كلمات الشاعر حسين احمد عبد الله بن سواده البكري
ويدور حوار القصيده حول احداث 13/يناير/1986 (م)
قال المصنف يالحيود النايفه *** قولي ونا باقول ياحيا خموس
حيا وسهلا بالنجوم الطالعه *** ذي ضاوهنه لاح من ضاو الشموس
الشمس مشرق بعد ماهي كاسفه *** والفجر طالع بعد غدره حلتموس
الفجر من بطن الشموس الفاتنه *** تسمع كلامه وبيخذ منها دروس
امه ولدته حل قامه ترضعه *** حل الولاده ظله السيبه تحوس
وتأكله لنمار يوم اتوافقه *** ماحد رجاء حد بالملاجي والتروس
لاماهلك ذي كان عرقل موقفه *** واصبح مزوج بالعروسه للعروس
خذها بقوه باس ياهل المعرفه *** قانع بها والبنت قانع بالجلوس
انهو بنعمه خذ لها من ذي معه *** وان مامعه شي ماتبا منه فلوس
يهنيه لاخذها صبيه كالفه *** بنت القبايل ذي بتتحاكا قعوس
ماهي كما بعض البنات الخايسه *** باعوا شرفها بالجنايا والسلوس
ماهل قليل الخير جاب التفرقه *** ذي كان متأمر على سبعه جنوس
نكد بها واصحابها متنكده *** وامسه مريضه بالمكاوي ودحوس
بيده عصا خضرا وبندق نظفه *** ماشي معه رحمه معه قطاع روس
حتى ابنها ذي جابته من صلبها *** مداه من ضرع الحنون الا مروس
كان الهدف حقه من امه يدهفه *** والحكم له مخصوص عاده بالرموس
جربت حظك ياقليل المعرفه *** يالمنحرف يالقرد ماشي لك جلوس
أمي عزيزه طاهره متنظفه *** ماتقبل الرجعي ولاحكام النجوس
والأب صادق له نوايا صادقه *** من عارضه يوخذ من الماضي دروس
يالشمس رسي وجلسي وستأمني *** يهنيش لاكلتي شقا ابنش والفلوس
ابنش بطل مشهور ماحد قاومه *** سم العدا من حيف ماجادح الصوص
قادر يهز الحيد مثل الراجفه *** واتساقطه من راس لشعاب النكوس
يالحزب ذي بيدك خطام القافله *** شق الطرق وادحق على الخاين ودوس
وحذر على مبداك خذ لك تجربه *** فتح عيونك خذ من الماضي دروس
والحب ذي هو بالغراره نظفه *** خله نقي لاتقربه نخشه وسوس
ماينفع العباد لاجه شاعفه *** شل الثمر والناس قدامه جلوس
لاكلاًّ اتاكد وحزم موقفه *** باتصلح الدنيا قفا ماهي فحوس
وان ذا بيسمح ذا ولاحد حاسبه *** بايوخذ اللقمه وهي تحت الضروس
كم لي وانا ماشي وماله فرقه *** بطني خلي واهل السياسه يامصوص
ذا قيل شاعر ذي تنطق هاجسه *** لاخطأ قدا العالم بيخطي بالدروس
ختمتها باسم العمل والتضحيه *** والعبد يتحرر من احكام النجوس
