Arbeo fu Fraising
Aus Wikipedia
 |
Der Àrtikl is im Dialekt „Owaöstareichisch“ gschriem worn. | |
Da Arbeo fu Fraising (a Aribo und Arbo fu Fraising gschrim; geboan 723 oda fria in Mais baim haiding Meran in Siddiaroi; gschdoam am 4. Mai 784 in Fraising) woa a mitlåitalicha Mönch und fu 764 bis zu saim Dod Bischof fu Fraising.
Da Arbeo is fum Bischof Erimbert, in Bruada fum Hailing Korbinian, eazong woan und håd ois Benedikdina-Mönch a langobardisch-romanische Ausbüdung griagt. Untam dritn Bischof fu Fraising, in Josef, woar a zeascht Presbita und dãn Notar und 763 Åbt fum naich grüntn Glosda Scharnitz im haiding Diaroi. 764 is a in Josef sâi Nåfoiga und damid fiata Bischof fu Fraising woan.
Untam Arbeo san fu Fraising aus a d Glosda Innichen im Pustadåi (769) und s Glosda Schliase in Owabaian (779) grünt woan. Zwischn 765 und 768 håd a a d Laich fum Korbinian ois Reliquie fu Mais bai Meran nåch Fraising iwafian låssn.
Da Arbeo wiad mãnchmåi ois easda Schraiwa fu am westgeamanischn Dext, oda easchda "daidscha" Autor, bezaichnet, wai ma sâina Féda dé zwoaschbråchig Latain und Åid-Boarische bzw. Åid-Alemanische Vokabl-Sãmlung zuaschraibt, dé haid untam Nãmen Abrogans bekãnt ist. Ea håd a d Lémsgschicht fum Hailing Korbinian und fum Réngschbuaga Bischof Emmeram aufgschrim, dé a fia de Gschichtsfoaschung wichdig san.
Ea is in Fraising begråm und sâi katolischa Gedenkdåg is da 4. Mai.
[dro werkln] Weak
- Arbeonis episcopi Frisingensis vitae sanctorum Haimhrammi et Corbiniani ("Lémsgschicht fum Hailing Emmeram und in Hailing Korbinian, fum Arbeo, Bischof fu Fraising")
