Kero
Aus Wikipedia
 |
Der Àrtikl is im Dialekt „Owaöstareichisch“ gschriem worn. | |
Da Kero (mãnchmåi a Gero) woa a Benedikdina-Mönch, dea im 8. Joahundat im Glosda Sankt Galln glébt und im doating Skirptoarium gwiakt håd.
Im Kero wiad fu ainige Foascha da Codex Abrogans zua gschrim. Dés is a mitlåitaliche Sãmlung fu iwa 3.000 latainische Vokabl und lifat fia jéde a Iwasézung in de dåmålige lokale geamanische Schbråch, ois Hüf fia de Mönch bai da Missioniarung. Dé Glossnhãndschrift is nåchn easchdn Woat, nemli "abrogans" benãnt, wås mid foiksschbråchlich "dheomodi" (demiatig) iwasézt wiad. Nåchn Kero wiad da Kodex Abrogans a mãnchmåi ois "Keronische Glossn" bezaichnet.
Da Kodex Abrogans oda de Keronischn Glossn, jé nåchdém wia ma s nena wü, is da ola easchde umfãngraichare Dext in iagend õana westgeamanischn Schbråch iwahaupt und déswéng fia de Schbråchfoaschung bsondas wichdig. Mãnche Foascha schraim åwa dé Vokablsãmlung néd in Kero sondan in Arbeo fu Fraising zua.
Fum Schraiwa Kero soid a a Interlinearveasion fu de Benedikdina-Regln aus n Joa 750 schdãma.
[dro werkln] Schau a unta
[dro werkln] Gwøn
- de.Wikipedia Kero (gseng am 25.10.2007)
- Zeno.org Artikl iwa St. Gallen
- Hattemer, Heinrich [Hrsg.], Denkmahle des Mittelalters - St. Gallen’s altteutsche Sprachschätze, Band 1, Sankt Gallen: Scheitlin u. Zollikofer 1844 (fum Hattemer schdãmt dés, das in Kero da Kodex Abrogans zuagschrim wiad)
