Balatschinkn
Aus Wikipedia
D Balatschinkn san a Mö-Schbais dé in Ésdaraich recht gean géssn wiad. Dabai wiad a Doag aus Oa, Mö und Müch und a wengan Såiz in da Pfãn mid a weng Buta oda Butaschmåiz aussabåcha. Wãn dés gãnze fu da Hiz fést wiad, duad ma a Fü aini und roid s zãm oda schlågt s zãm. Dãn kimd nu a Schdaubzuka oda a Sos driwa und feati. S Woat Balatschink kimt ausn Rumenischn "placinta", wås wida fum latainisch "placenta" fia Kuacha kimd. Iwa s ungarische "palacsinta" is dés Woat ins Boarische kema.
[dro werkln] Oatn fu Balatschinkn
- Mamalad-Balatschinkn
- Schoklad-Balatschinkn
- Nus-Balatschinkn
- Ais-Balatschinkn
[dro werkln] Da Nam vo de Balatschinkn in andane Gengndn
 |
Dialekt: „Obaboarisch“ |  |
Hochdeitsch kemman de Balatschinkn ois Eierkuchen oda Omelette daher, und nordboarisch hoasst ma's Oierflek. Des Rezept kon do a teilweis bissl andast sei, des Prinzip is a seibe. Es gebt aa no de Bliny, wo aus da osteiropäischn Kich kemman und mid am Hefndoag aus Buachwoaznmeih gmacht wern, und de American Pancakes, wo oba kloana und dicka san wia de boarische Variantn.
In Oidbaian hoasst ma de Balatschinkn Pfannkuacha oda Pfannakuacha, es werd dann oba meistns a bissl weniga Aufwand mit da Füllung und da Dekoration gmacht. Ma schmiert hoid a Marmelad drauf oda neimodean a Nutella, oda ma straat oafach Zucka auffe und tripfet no an Zitronasaft dazua. Nachad roid ma's zsam und essts mit Messa und Gobe oda glei mid da Hand.
[dro werkln] Variantn
Pfannkuacha gebts heitzdog in gfeite Variantn: do findt ma wejche mid Dopfn und Honig oda Gartnkreitln, Spinod oda Lachs und Sauarahm. Oft san sejche Kreationen inspiriert vo internationale Rezeptln.
Koide, in Ringal gschnittne Pfannakuacha ko ma aa in d'Suppn einehaun, wei da Doag jo erschtamoi neitral schmeckt. Des is praktisch, wamma zvui davu bacha hod. In Baian nennt ma des Pfannakuachasuppn, in Östereich Fritattnsuppn.
