|
I bin da Àlex und kum aus da Stådt Såizburg, bin 1978 geborn, årbeit åis Krãnknpflega und wia ma schô siagt: intaressiar i mi natürlich fia meî schene Muattaspråch :-). Aufgwåggsn und groß worn bin i in St. Johànn/Pg. wo i a bis zu meim 19. Lebmsjåhr gwésn bin. Åb dãnn bin i in dé Stådt zong wo i mei Åusbüidung zum Krãnknpflega gmåcht håb. Danåch bin nåch Minga gãnga, wo i 5 Jåhr glebt håb und dés mi in dé 5 Jåhr wo i durt wår sehr prägt håd (in Bezug auf meî Muattaspråch). I gfrei mi üwa d' boarische Wiki, is eh hechste Zeid worn das 's endlich kemma is...
Zu mein Dialekt mecht i sång, dass dés mittlaweile a gãnza Mischmasch aus gãnz wenig Pongaurisch (dés kriag i nimma zãmm, leida), mehrheitlich Stådt-Såizburgarisch und natürlich à a påår Proggn Obaboarisch is, wås i mittlaweile réd. Durch dé 5 Jåhr in Minga håm sé natürlich à a påår „isarpraissische“ Ausdrügg eîgschlichn dé i åwa sche lãngsãm wieda aufgib :-)...
Zu dé Themen dé mi intaressiarn khern:
- Språchn
- Geschichte
- Mindaheitn in Europa
- Geogràfie
- u. v. ã.
Beim Wikipedia Suchttest håb i dawei 91.5 Punkte...
Gfrei mi auf Nåchrichtn!
|
