Diskussion:Berchtsgoana Land

Aus Wikipedia

[dro werkln] Schreibweis vu Beachtsgon

Leidln, gfreit mi recht, dass dera Artikl aso schee wachst!

Ham mia do an echtn Beachtsgona aa? Dann kannt ma aa amoi entscheidn, wia ma des am bestn buchstabiern, so dass da Titl und da Text wengstns zsamapassn :-)

Mei Vorschlag waar 'Beachtsgon' oda 'Beachtsgodn', so sogn mia des in Reichahoi (i woas, zwischn Reichahoi und Beachtsgon is nu a himmeweida Untaschiad ;-))

Pfiat Eich, --Libellulia 13:29, 28. Jan. 2007 (UTC)

Libellulia -sakra schreibtse dea Nam schwar - i hob da a scho auf dei Seitn g'schrim: Berchtsgoan hoassts bei de Einheimischn. nimm des vielleicht.. theo 23:01, 2. Feb. 2007 (UTC)

Guad, so machma's! A do herent noamoi recht scheen Dank fia Dei Recherchn! --Libellulia 00:42, 4. Feb. 2007 (UTC)

[dro werkln] Paul Breitner

Wea woas, ob da Paul Breitner vom Beachtsgona Land kimmt? Soweit I des sieg kimmt dea ausm Landkreis Rosnheim?! --Libellulia 15:44, 28. Jan. 2007 (UTC)

Da Breitner kimmt soweit I woaß aus Freilassing ;-), des is definitiv im BGL

Warum a dann als Sechsjahriga beim SV Kolbermoor gspuit hod, is mia zwar net klar, aba 3 Jahr spaada wars ja dann doch Freilassing. Oiso passts scho so ;-) Geboren is er aber in Kolbermoor... sogt de Seitn... --Libellulia 00:49, 4. Feb. 2007 (UTC)

Wenna in Kolbermoor born is, derfat da leida net in da List steign, wenn mas a so, wia in da Deitschn WP mochan woiln. Do derfan z.B. blos de gbürtign Berchtsgoana drinsteh ... ;-( Weggatgroaster 16:12, 15. Feb. 2007 (UTC)

So, na issa draussd. Ho blos ned gwisst, wia des ghandhabt werd. --Libellulia 15:20, 18. Feb. 2007 (UTC)